Nazioarteko mugimenduek salatu dutenez, lau eta hamalau urte bitarteko hiru milioi neskato adingaberi genitalak mozten dizkiote Afrikan. Kopuru hori uste zena baino milioi bat gehiago da. Sudanen, esaterako, emakumezkoen %69 dira praktika horren biktima.
Gaur, Emakumezkoen Genitalen Mutilazioaren aurkako Nazioarteko Eguna dela-eta jakinarazi dituzte datu horiek. Osasunaren Munduko Erakundeko (OME) ordezkari Heli Bathijaren esanetan, praktika hori ez da soilik Afrikan gauzatzen, "Asiako eta Ekialde Hurbileko zenbait herrialdeetan ere uste baino ohikoagoa" baita.
Malin, Ginean eta Sierra Leonan ematen dira genitalen mozketen kasu gehien, praktika hori debekatzen duen legea izan arren. Aurrez pentsa daitekeenaren aurka, genitalen mozketa ez dago erlijio batekin lotuta, baizik eta "konbentzioa sozial batekin". Amek edo familiako beste kideren batek neskato adingabeen genitalen mozketak adosten dituzte, "behar bezala hazi daitezen eta heldutasunerako eta ezkontzarako presta daitezen".
Bestalde, "migrazioen eta neskato adingabeen genitalen mutilazioen artean kausa-ondorio loturarik ez" dagoela ere jakinarazi du Osasuanaren Munduko Erakundeko ordezkariak.
Mundua
Urtero hiru milioi adingaberi genitalak mozten dizkiote Afrikan
Konbentzio sozial batekin lotuta dagoen praktika hori Malin, Ginean eta Sierra Leonan ematen da gehien. Halere, Asiako eta Ekialde Hurbileko hainbat herrialdeetan ere uste baino ohikoagoa da.
Iruzkinak
Ez dago iruzkinik
Ordenatu
