Txio bat idatzi du rap kantariak, bera atxilotzen bihar saiatuko diren arren ez diela "erraz" jarriko ohartaraziz.
Mañana es el día. Mañana van a tumbar la puerta de mi casa para meterme en la carcel. Por unas canciones. Mañana España va a hacer el ridículo, una vez más. No se lo voy a poner tan fácil, desobedecer es legítimo y obligación ante este estado fascista. Aquí no se rinde nadie.
— Josep V. 🎗︠(@valtonyc) 2018(e)ko maiatzaren 23(a)
Handik ordu batzuetara, Kataluniako hedabideek jakinarazi dute Valtonycek ihes egin duela, eta Europara erbesteratu dela, atxilotu ez dezaten. Suitza eta Belgika aipatzen dituzte balizko ihesleku gisara. Bi herriande horietan daude, hain justu, Kataluniatik erbesteratutako politikariak.
Hiru urte eta erdiko zigorra jarri zion Espainiako Auzitegi Gorenak sortzaileari, "terrorismoa goratzea", biktimak umiliatzea eta Juan Carlos I. Espainiako Erregeari irainak egitea egotzita.
Polizia operazio berezia prestatzen ari zen musikariak ez zezan ihes egin Mallorcatik, han bizi baita. Baina, Kataluniako hedabideen arabera, badira hamar egun hark alde egin zuela. Bere jarraitzaileek hegazkin txartelak erosi dituzte bere izenean, polizia nahasteko. Poliziak onartu du ez dakiela non dagoen.
