Ernesto Villegas Venezuelako Gobernuko Komunikazio ministroaren arabera, Hugo Chavez presidentearen osasun egoerak hobera egin du azkenaldian, ondo ez dagoen arren, minbizia baitu.
Abenduaren 11n Habanan ebakuntza "konplexua" egin zioten Chavezi, eta arnasa hartzeko arazoak dauzka. Hori dela eta, "neurri zehatzak" behar ditu, ministroak esan duenez.
Urrian herritarrek berriz ere Venezuelako presidente hautatu zuten Chavez. Lehengo ostegunean zen karguaren zina egitekoa, baina ez zen izan ekitaldian, gaixotasunagatik.
