Diosdado Cabellok irakurri du Batzar Nazional Konstituziogileak onartutako dekretua: "Konstituziogileak adostu du 2018ko lehen lauhilekorako presidentetzarako hauteskundeen prozedura abiatzea". Hala dio El Nacional egunkariak. Orain Hauteskunde Batzorde Nazionalari dagokio bozak antolatzea, dekretu hori eskuetan hartuta.
Hasieran, urtearen amaierarako aurreikusita zeuden hauteskundeak, baina, horrenbestez, aurreratu egingo dituzte. 2017an ere eskualdeetako bozen data aldatu zuen Batzar Konstituziogileak; beraz, ez da hori egiten duen lehen aldia.
