Venezuelako Gobernuko Komunikazio ministro Ernesto Villegasek eman ditu azalpenak. Haren esanetan, La Carlotako base militarretik (Caracas) lapurtu dute airekoa, ondoren Barne Ministerioaren egoitzara joan eta hamabost tiro egin ditu eraikinaren kontra. Une horretan 80 bat lagun zeuden eraikinaren atarian, baina ez da zauriturik izan. Jarraian airekoa Gorenaren egoitzara joan da eta han ere hainbat tiro egin ostean, lau granada jaurti ditu.
"Konstituzioaren eta haren instituzioen aurkako beste eraso bat izan da", gaitzetsi du Villegasek, eta ohartarazi du ekintzak aurreko Barne ministro Miguel Rodrigiez Torresekin duen lotura ikertzen ari direla, "eta baita AEBetako informazio zerbitzuekin izan dezakeena".
Lerro hauek idazteko unean segurtasun indarrek erasotzailearen bila jarraitzen zuten. Gobernuak, berriz, laguntza eskatu die herritarrei balizko erasotzailearen edo helikopteroaren bilatze lanetarako. Horretaz gain, eskatu diote oposizioari gaitzetsi dezala erasoa eta exekutiboaren aurkako "edozein indarkeria ekintza".
