CARACAS. Venezuelako Auzitegi Gorenak bertan behera utzi du oposizioaren hauteskunde primarioen prozesua, ontzat jo baitu oposizioko diputatu Jose Britok jarritako helegitea, zeinak salatzen duen «irregulartasunak» izan zirela prozesuan. Urriaren 22an egin zituzten primarioak PUD Plataforma Unitario Demokratikoan elkartu diren alderdiek, eta Maria Corina Machado nagusitu zen.
Gorenak atzo kaleratutako ebazpenaren arabera, primarioak antolatu dituen batzordeak dokumentu batzuk aurkeztu beharko ditu; besteak beste, Machadori dagozkion aktak. Aintzat hartu behar da Asanbleako diputatu ohia (2011-2014) inhabilitatuta dagoela, eta, horrenbestez, ezin dela aurkeztu 2024an egitekoak diren presidentetzarako hauteskundeetara. Prozesuak ez zuen chavismoaren oniritzirik.
Venezuelako oposizioaren primarioak, bertan behera
Oposizioko diputatu batek helegitea jarri zuen, «irregulartasunak» salatuta, eta Gorenak ontzat jo du
Iruzkinak
Ez dago iruzkinik
Ordenatu