Yemenen 90 lagun baino gehiago hil eta 200 zauritu dira gaur segurtasun indarren aurkako eraso suizida batean, Sana hegoaldean. Sabein plazan desfile bat prestatzen ari ziren, Yemengo Gobernuko Defentsa Ministeriotik baieztatu dutenez. Al-Qaedak bere gain hartu du erasoa.
Iturri berdinen arabera, soinean polizia jantzia eta lehergaiak zituen gerriko bat zeramatzan gizon batek egin du erasoa. Hamid Besher Poliziako buruak erasoa gertatu eta gutxira adierazi du Al-Qaedak antolatutako atentatua izan zitekeela.
Leherketaren unea plazan zen Mohamed Naser Ahmad Yemengo Gobernuko Defentsa ministroa, baina ez da erasoan zauritu.
