Penintsula Arabiarreko Al Kaeda dago, ustez, Yemengo azken erasoen atzean. Atzo, bi atentatu egin zituzten. Bat Sana hiriburutik hurbil jazo zen, Hadda herrian. OMV energia ekoizten duen Austriako enpresarentzat lan egiten zuen frantziar bat hil zuten han, enpresaren egoitzan bertan. Enpresako zaindari gisa kontratatua zegoen yemendar batek egin zion tiro. Beste hainbat lagun ere zauritu ziren erasoan.
Sanako kaleetan, berriz, Erresuma Batuko enbaxadaren ibilgailu bati misil bat bota zioten. Ibilgailuan zihoan diplomazialari bat zauritu zen, baita kaletik zihoazen bi hiritar ere, iturri ofizialek jakinarazi dutenez.
Yemenen langile frantziar bat hiltzea egotzi diote Al Kaedari
Erresuma Batuaren enbaxadaren ibilgailu baten aurkako eraso batean hiru lagun zauritu dituzte
Iruzkinak
Ez dago iruzkinik
Ordenatu
