Mohamed Naser Ahmad Yemengo Gobernuko Defentsa ministroa zauritu egin dute gaur atentatu batean. Herrialdeko segurtasun zerbitzuetako iturriek esan dutenez, atentatu suizida izan da, Aden kostako hirian; bonba-auto bat lehertu dute ministroaren autoa pasatzen ari zela.
Gobernukidea arin zauritu da, eta harekin zihoazen beste hamar lagun ere zaurituta daude —hiru, larri—.
