Gutxienez zazpi lagun hil eta 23 zauritu dira Bagdadeko (Irak) iparraldean, lehergailu batek eztanda egin ostean. Al Kadimiyako xiiten santutegi baten ondoan gertatu da atentatua.
Plastikozko poltsa baten barruan zegoen lehergailua, Poliziak jakinarazi duenez. Biktima guztiak zibilak dira, eta hildako eta zauritu kopuruak gora egin dezakeela uste da.
Atzo, eremu berean, lehergailuak zeramatzan auto batek eztanda egin zuen eta zortzi pertsona hil eta hamalau zauritu ziren.
Bagdad iparraldeko Al Kadimiya zonaldean herritarren gehiengoa xiita da.
mundua
Zazpi lagun hil eta 23 zauritu dira Irakeko leherketa batean
Iruzkinak
Ez dago iruzkinik
Ordenatu
