Afganistango zazpi polizia hil dituzte gaur NATOko soldaduek, talibanak zirelakoan. Kunduz eskualdean izan da. Mohamed Omar gobernadoreak berr eman duenez, borrokaldian ari ziren inguruan Polizia eta matxinatuak, eta poliziak talibanekin nahasi ditu NATOk. Hala, bonbakatu egin du haiek zeuden ingurua, eta hil egin ditu zazpi polizia. "Bonbaketa ez da nahita egindakoa izan. Talibanekin nahasi dituzte soldaduek", esan du gobernadoreak.
Moshtarak (elkarrekin) operazioa hasi zutenetik gisa horretako hankasartze gehiago ere egin dituzte NATOko soldaduek. Iragan asteburuan, bederatzi zibil behintzat hil zituzten, aireko eraso batean. Barkamenak eskatu zituen erakundeak, eta iragarri zuen arreta handiagoz arituko zela erasoak egiterakoan.
Bestalde, talibanen bozeramaile batek jakinarazi du borrokaldiak hasi zirenetik 15 soldadu gutxienez hil dituztela.
MUNDUA
Zazpi polizia hil ditu NATOk Afganistanen, akats baten ondorioz
Poliziak talibanekin nahasi dituzte NATOko hegazkinek, eta bonbakatu egin dute haiek zeuden ingurua. NATOk agindu zuen arretaz jokatuko zuela gisa horretako hankasartzerik ez egiteko, baina bederatzi zibil hil zituen asteburuan, aire eraso batean.
Iruzkinak
Ez dago iruzkinik
Ordenatu
