Zibilak atxilotu ahalko ditu Egiptoko armadak

KAIRO. Egiptoko Justizia Ministerioak Polizia Militarrari eta armadako zerbitzu sekretuei zibilak atxilotzeko baimena eman die legedian bildutako hainbat delituetan; adibidez, estatuaren segurtasuna erasotzean, desobedientzia zibila egitean, eta agintariak iraintzean. Hauteskunde batzordeak, berriz, errolda hautagaien esku uztea baztertu du, datu pertsonalen babeserako legea urratuko lukeelakoan. Anaia Musulmanek eskatu zuten errolda, balizko iruzurrei aurre egin ahal izatea argudiatuta.