Zimbaweko Hauteskunde Batzordeak jakinarazi duenez, azkeneko legealdian Gobernuan egon den alderdiak -ZANU-PFk- gehiengoa galdu du hauteskundeetan. Izan ere, Parlamentuko 210 eserlekuetatik 93 lortu ditu.
ZANU-PF Zimbaweko Afrikako Batasuna-Fronte Abertzalea bozetan garaile izan da orain arte, aldiro; eta, herrialdeak Erresuma Batutik independentzia lortu zuenetik -1980tik-, 28 urte eman ditu presidente karguan Robert Mugabek. Azkeneko legealdian Parlamentuko bi herenen jabea zen.
MDC Aldaketa Demokratikorako Mugimendua bi zatitan aurkeztu da bozetara, eta bien artean 105 diputatu erdietsi dituzte.
Larunbatean egin zituzten Zimbawen presidentea, legebiltzarkideak, senatariak eta zinegotziak aukeratzeko bozak. Boto zenbaketa asko luzatu da.
Mundua
Zimbaweko Gobernuko alderdiak gehiengoa galdu du hauteskundeetan
Robert Mugaberen alderdiak Parlamentuko 210 eserlekuetatik 93 lortu ditu; lehen bi heren zeuzkan.
Iruzkinak
Ez dago iruzkinik
Ordenatu
