Zipreko Gobernu osoak dimisioa aurkeztu du, munizio biltegia lehertu zenetik jasandako presioarengatik.
Biltegiaren leherketak hamahiru hildako eta kalte larriak utzi zituen, eta geroztik presio politiko eta publiko handia jasan du Gobernuak, leherketaren ondorioz Vassilikos herrialdeko elektrizitate hornidurarako zentral handiena suntsitu zelako.
Demetris Christofias Zipreko presidenteak kabineteko bileran eskatu du dimisioa. Horrela, Gobernuko hamaika kidek jarraituko dute euren karguetan, datozen egunetan gobernu berria osatu arte.
Presidenteak ez du dimitituko
Gobernuak dimisioaren berri eman ostean zehaztu du presidenteak berak ez duela dimititzeko asmorik. Prentsaurrekoko hedabideen galderei horrela erantzun die: "Ni herritarrek hautatu naute, eta eurei zor dizkiet azalpenak, ez komunikabideei."
