Noiz sortua: 2014-03-27 00:30:00

2014ko Iparraldeko herri bozak. Lehen itzuliaren ondorena

Baionako auzapez hautatuko dutela dio Etxetok

Abertzale eta ezkertiar zerrendetatik eta abstentziotik boz ugari lortzeko esperantza du hautagai sozialistak

Aitor Renteria -

2014ko martxoak 27

Heldu den igandean baionarrek auzapez hautatuko dutela jakinarazi du Henri Etxeto PSko hautagaiak. Atzo Baionan egindako agerraldian, Colette Capdevielle diputatuaren eta Marie Christine Aragon Akitaniako kontseilariaren sostengua izan zuen. Harekin izan ziren ere zerrendan dituen hautagai komunista eta berdeak. Gisa berean, Jose Bove eurodiputatuaren sostengua jaso duela jakinarazi du Etxetok.

Irabazteko dituen oinarriak azaldu zituen. Lehenik eta behin, joan den igandean lehen postuan gelditzea, bozen %35 bildu ondoren. Frantzian alderdi sozialistak jasan duen «zigorra» pairatu duela onartu du Etxetok. Baina bertze toki batzuetan baino apalagoa izanik, esperantza sorrarazten diola azaldu du. Horrekin batera, adierazi du baionarrek gaizki hartu dutela Baiona 2014 eta Ezkerreko Fronteko zerrendaren bateratzea bigarren itzuliari begira, hiria eskuinaren esku uzteko arriskua sortzen duelako. «Bi zerrendetako kanpainan parte hartu duten militante anitzek erran didate nire alde bozkatuko dutela igandean».

Igandean hautu bakarra dagoela azpimarratu du, ezkerra (Henri Etxeto) edo eskuina( Etxegarai). Baiona 2014 eta Ezkerreko Fronteari, bereizita, akordioa proposatu ziela azaldu du. Zerrenda abertzaleari hautagai postuak eskaini zizkiola erran du. «Baiona 2014ko zerrendaburua gurekin tratua egitearen aldekoa zen, baina bildu zirelarik taldean, kanpainan parte hartu ez duen taldetxo gotor batek gurekin akordioa egitea eragotzi zion». Gobernu ardurak hartzeko beldurra ere leporatu die abertzaleei.

Ezkerreko Frontearen kasuan, Sergue Nogues zerrendaburua «leialtasunik gabe» jokatu duela deitoratu du. Etxetoren zerrendan dagoen Mixel Esteban EELV-Berdeak taldeko kideak erran du: «abertzaleek gobernuan parte hartzeko aukera historikoa dute, baina ez dute nahi izan, eta aukera hori ez da inoiz errepikatuko».

Etxegarai zentrista izan arren, Sylvie Durrutiren zerrendarekin bat egin ondoren eskuin gogorraren eitea duela gaineratu du. Urrunago ere joan da Etxeto, eta Etxegarairi leporatu dio zerrendan «bizi politikoa izatearren dena traizionatu duten pertsonak izatea, Yves Ugalde eta Martine Bisauta bezalakoak».

Sostengua Korsikatik

Bertze alde batetik, Baiona 2014 zerrendak jakinarazi du sare sozialen bidez Francois Alfonsi Korsikako eurodiputatuak sostengua helarazi diola zerrendari, Ezkerreko Frontearekin batera ezkerreko alternatiba osatu ondoren.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Maiatzaren 26an eguneratua, 20:00etan. ©BERRIA

Koronabirusaren azken datuak

Berria

Azkeneko 24 orduetan zazpi pertsona hil dira COVID-19 gaitzaren eraginez, 11 positibo atzeman dituzte PCR probekin, eta lau gaixo ospitaleratu dituzte. Euskal Herrian 28.634 gaixok eman dute positibo guztira, koronabirusa atzemateko probaren bat eginda. Horietatik 2.027 hil dira. Grafikoak, albiste barruan.

Berra adinekoen egoitza. ©JON URBE / FOKU

Ekainaren 8tik egin ahalko dira bisitak Gipuzkoako zahar etxeetan

Berria

Egoiliar bakoitzeko senide bakarra joan ahal izango da bisitan, eta segurtasun neurriak zorroztuko dituzte. Gipuzkoako zahar etxeetan 167 pertsona hil dira izurria hasi zenetik; gaur egun 22 eri daude, bi egoitzatan.

Maiatzaren 11an igaro zen lehen fasera Hegoaldea ©Marisol Ramirez, Foku

Hegoaldea lehen fasera igaro izanaren arrazoiak eman ditu Espainiako Gobernuak

Ainhoa Larretxea Agirre

Espainiako Osasun Ministerioak zehaztu du egoera epidemiologiko «ona» izan dela Nafarroa pasatzeko arrazoia; Osakidetzak pazienteak artatzeko duen «gaitasun handia», berriz, Araba, Bizkaia eta Gipuzkoa igarotzekoa. Maiatzaren 11n aldatu zen lehen fasera Hegoaldea.

Txagorritxu ospitaleko laborategiko irudi bat. ©Gorka Rubio / Foku

Datuen peskizan (eguneko laburpena)

Pello Urzelai

Beste zazpi pertsona gehitu behar dira koronabirusarekin hildakoen zerrendara. Bost EAEn, bi Nafarroan. PCR bidezko 11 positibo berri agertu dira.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna