Albistea entzun

Konponbidea lehenestea eskatuko dute azaroaren 20an

Senideek eta lagunek lore eskaintzak egingo dituzte Santi Brouard eta Josu Muguruza hil zituzteneko urtemugan

Aitziber Laskibar Lizarribar -

2013ko azaroak 16 - Bilbo

Urtero bezala, lore eskaintzak egingo dizkiete asteazkenean Santi Brouardi eta Josu Muguruzari haien senide eta lagunek, hil zituzteneko urteurrena dela eta: 12:30ean Bilboko Errekaldeko plazan, eta 13:00etan Ametzolakoan. Ane Muguruza Josuren alabak eta Xabier Amuriza bertsolariak iragarri dute ondorengo ekitaldiko mezuan gatazkaren konponbiderako oinarriak finkatzeko funtsezkoak diren gai batzuei helduko dietela. Bereziki «gatazkaren ondorioez» arituko direla azaldu dute. «Eta bakearen bidea guztion artean eraiki behar dela nabarmenduko dugu».

Santi Brouarden alaba Edurne eta Muguruzaren alargun Elena Bartolome ere izan dira agerraldian. Tasio Erkizia eta Itziar Aizpurua ezker abertzaleko kide historikoak ere bai, besteak beste.

Egia, errespetua eta aitorpena aldarrikatu dituzte, eta «herritarrek askatasunaren bilatze etengabean belaunaldiz belaunaldi hartu duten konpromisoari buruzko ikuspegi historikoa». Baina helburu nagusia konponbide demokratikoak izan behar duela zehaztu dute, baita «aitorpenaren eta erreparazioaren gainetik» ere.

Goikoetxearen ekitaldira

Hartarako «bizikidetza demokratikoarekiko konpromisoa funtsezkoa» delakoan, ETAk duela 20 urte hil zuen Joseba Goikoetxeari ostiralean egingo zaion ekitaldira joatea aztertzean ari direla azaldu dute Muguruzaren eta Brouarden alabek. Rosa Rodero alargunak gonbidatu ditu ekitaldira, eta «elkarbizitza eraikitzen» lagun dezakeelakoan, mahai gainean dute ekitaldira joateko aukera.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Marbore tontorrera iritsi berri, argiak kolokatzeko lanetan jarri ziren parte hartzaileak. ©MIKEL EGIBAR

Bide eder bat tontorrera

Iosu Alberdi

Gure Esku-k antolatutako egitasmoa bizitzeko moduak askotarikoak izan dira. Mendi garaiago edo txikiagoetara igo, lagunarteko giroa nabarmendu dute parte hartzaileek.
Bakartxo Tejeria Eusko Legebiltzarreko lehendakariak harrera egin zien Josu Etxaburu eta Amalur Alvarez Gure Esku-ko bozeramaileei ekainaren 22an. ©E. P. / FOKU
Bakartxo Tejeria Eusko Legebiltzarreko lehendakariak harrera egin zien Josu Etxaburu eta Amalur Alvarez Gure Esku-ko bozeramaileei ekainaren 22an. ©E. P. / FOKU
Zurekin Nafarroa koalizio berriaren aurkezpena, atzo. ©ENDIKA PORTILLO / FOKU

Zurekin Nafarroa ezkerreko koalizioa aurkeztu dute

Yasmine Khris

Ahal Dugu, Ezkerra, Batzarre eta independenteen talde bat batu dira, «ezker feminista, berde eta transformatzailearen» indar berria izateko

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...