Noiz sortua: 2011-11-24 00:30:00

Komunikazioa

Txapa irrati librearen programazio berriak hamalau irratsaio propio ditu

Arrosa sareari esker, 'Kalegorrian', 'Zebrabidea' eta 'Suelta la olla' entzun daitezke Bergarako irratian
Bergarako gazteak dira Txapa irrati libreko ardatz nagusia.
Bergarako gazteak dira Txapa irrati libreko ardatz nagusia. BERRIA

Ainhoa Arano -

2011ko azaroak 24
Aro digitalak irrati libreen gaineko eztabaida sortu zuen. Batzuek, ordea, 27 urte bete dituzte jada, beste komunikabide eredu bat posible dela frogatuz.

Txapa irratia 80ko hamarkadan jaio zen, irrati libre gehienak bezala, eta guztien antzera, hasiera makurra izan zuen. Herriko sindikatu batek utzitako lokalean egin zituzten lehen irratsaioak. Eta 1989an, Bergarako Udalarekin akordio bat lortuta, udalak utzitako lokal batera aldatu ziren. Gaur egun, Txapa irratia Bergarako gaztetxean dago. Bergarako herritarrei irekitako irrati bat da, batzarrean oinarritua eta autogestioa, autofinantzaketa eta burujabetza jarraibide dituena.

Urte hauetan guztietan mota guztietako programak egin dituzte, eta 2011-2012 denboraldian ere programazio zabala eskainiko dute. Denboraldi berriaren aurkezpena Petti kantariaren kontzertu batekin egin zuten, duela egun batzuk.

'Made in' Txapa

Denboraldi berrian hamalau irratsaio propio izango ditu Txapa irratiak. Tokian tokiko irratia dela ahaztu gabe, Bergarako herria eta herritarrak izango dira ardatz nagusia. Sasi guztien azpitik saioak Bergarako gaiak jorratuko ditu, eta Xelebregara saioan herriko xelebrekeriak izango dituzte hizpide. Gazte batzarrak ere izango du bere proiektuentzat lekurik, Bergara sutan saioan, eguneko albisteekin batera.

Bergarako kaleetatik hasita mundu zabaleko hiriak blaitzen dituzten musika doinuak landuko dituzte hainbat irratsaiotan: 90 Segundu, Jar itzazu tapoiak, Berbenir, Kaleko mobida eta Gaztetxeko kontzertuak. Ametsetako lurra saioan ideiak, emozioak eta ametsak lortu eta sortzen saiatuko dira, betiere musikaren bitartez.

Bestelako gaiek ere lekua izango dute irratian: umoreak Haundikeittan saioan, garapen pertsonalak eta osasunak Anuaso saioan eta eguraldiak eta ilargiak Gure paradisuan saioan. Gurasoentzat ere izango da tarterik. Bestalde, 2005. urtetik martxan den irratsaio kontrainformatiboak, Kolax-ek, jarraitu egingo du denboraldi berrian.

Irrati libreak, elkarlanean

Arrosa irrati sareko hainbat irratsaiorekin osatuko dute 2011-2012ko denboraldiko programazioa. Arrosa irrati sarea Euskal Herri osoko irrati mordoxka baten elkarlanaren ondorioa da. Bertan biltzen dira hainbat eskualdetako irrati txikiak.

Musika, internazionalismoa, literatura, kultura eta beste ardatz hartuta, berrikuntza ugari etorriko dira beste irrati batzuen bidez. Zebra bidea, Hala Bedi, Tas-tas eta Antxeta irratiek ekoitzitako euskarazko magazina izango da entzungai astelehenetik ostiralera. Bestalde, iazko dinamikari jarraituz, goizean goiz Kalegorrian Info7ko magazinak irekiko du eguna; eta, ondoren, Suelta la olla Hala Bedi, Eguzki eta Tas-Tas irratien magazina izango da. Gainera, 13:30ean eta 20:00etan Info7ko albistegiekin bat egingo dute.

Aurten, unitate mugikorra ipiniko du martxan Txapa irratiak, eta horrekin, herrian antolatzen diren hitzaldi, mahai inguru eta bestelakoetan zuzenean egoteko asmoa dute.

Hala, teknologia berrietan eta Arrosa irrati sarean oinarrituta, kalitatezko programazio bat eskaintzeko helburua du Bergarako irratiak, eta herritar ororekin bat egin nahi du abian den denboraldi berrian, FM bitartez zein Internet bitartez.

Albiste gehiago

Martxoaren 29an eguneratua, 14:00etan. ©BERRIA

Koronabirusaren azken datuak

Berria

Euskal Herrian 7.773 gaixok eman dute positibo koronabirusaren proba eginda, administrazioen arabera. 350 hil dira. COVID-19 gaitza izandako 1.528 pertsonari eman diete alta. Grafikoak, albiste barruan.

Iruñeko kaleak, hutsik. ©Iñigo Uriz / Foku

Tapiak dio dekretuak «zirrikituren bat» uzten duela enpresak irekita mantentzeko

Berria

Espainiako Gobernuak atzo onartutako dekretua indarrean da, eta funtsezkoak ez diren jardueretan aritzen diren langileek etxean geratu beharko dute gaurtik aurrera. Urkullu ez dator bat neurri horrekin, eta Confebaskek «buruarinkeriaz» jokatzea egotzi dio gobernuari.

Kaleak hutsik atzo, igandez. ©Jaizki Fontaneda / Foku

Espainiako Gobernuak 24 orduko luzapena eman die enpresei, itxialdira egokitzeko

Jon O. Urain

Sanchezen gobernuak igande gauez argitaratu du funtsezkoak ez diren jarduerak eteteko dekretua. 25 sektore zerrendatu ditu.

Ertzaintzaren atxiloketa bat Bilboko San Frantzisko auzoan, alarma egoeran

SOS Arrazakeriak salatu du Ertzaintzak «gehiegikeria areagotu» duela konfinamenduan

Berria

Elkarteak aipaturiko lekukoen arabera, poliziek buruko gaitz bat duen gazte bat «indarkeriaz» atxilotu dute Bilboko San Frantzisko auzoan, eta haren ama ere «jo» eta preso eraman dute. Ertzaintza agenteen jarrera ikertzen ari da.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna