Joan den martxoaren 30eko Miarritzeko bozen emaitzen kontrako helegitea ezartzeko eskatu dio Max Brisson hautagaiak prefetari, eta, horren ildotik, bozen emaitza baliogabetzea. Brisson departamenduko UMPko buru eta Miarritzeko auzapeza izateko hautagaia kanpoan egon da hauteskundeak galdu ondoren. Egin duen lehen agerraldi publikoan jakinarazi du susmagarritzat jotzen dituela boz-emaileen zerrendako berrehun izenpetze. Susmoak piztu bezain laster, auzitegiko idazkariari dei egin zion, eskari formala bideratu ahal izateko.
Prefetak bihar jakinaraziko du ebazpena, Brissonek aurkeztutako salaketa aztertu ondoren. Ez du argitu baliogabe ditzakeen boz horiek, bozak errepikaraz ditzakeen edo Brissonen eskaria baztertuko duen.
Michel Veunac hautagai zentristak, sozialistekin eta ekologista zerrenda batekin elkartu ondoren, tarte txikiarengatik irabazi zituen Miarritzeko bozak; 425 bozengatik, hain zuzen ere. Brissonek eskuineko bertze bi zerrenda bildu zituen berearen baitan.
Bozak baliogabetzeko eskatu du Brissonek
Miarritzeko emaitza zalantzan ezarri du UMPkoak, berrehun bozen jatorria susmagarria delakoan
Iruzkinak
Ez dago iruzkinik
Ordenatu