Noiz sortua: 2014-04-02 00:30:00

Mugimendu politiko iraunkorra bilakatuko da EH Bai hilabeteotan

Mugimendu abertzaleak dio mugarri bat ezarri duela herriko bozetan egiazko alternatiba bihurtuz
EH Bai koalizioko ordezkariak, atzo, Baionan.
EH Bai koalizioko ordezkariak, atzo, Baionan. SYLVAIN SENCRISTO

Aitor Renteria -

2014ko apirilak 2
Herriko bozen emaitzak eskuan, ondoko aste eta hilabeteetan mugimendu politiko iraunkorra bilakatzeko prozesua abian ezarriko duela jakinarazi du EH Baik. Orain artean, EAk, ABk eta Sortuk osatzen zuten koalizioa. Hiru alderdietako militanteak ez ezik, alderdietako karta ez duten militante abertzaleak deitu dituzte prozesuan parte hartzera. «Prozesu irekia bultzatu nahi dugu, herrietan oinarritua, parte hartzailea eta irekia» erran du Alain Iriartek EH Bairen izenean. Siglak eta erakundeak berez ez direla helburu azaldu du Xabi Larraldek, eta mugimendua trinkotzea funtsezkoa dela erran du, etorkizunean abertzaleen pisu politikoa sendotu ahal izateko. Ororen buru, abertzaleek 25 auzapez inguru lortu dituzte, eta, mila biztanlez gorako herrietan, ehun hautetsi baino gehiago.

Erabakia herriko bozetan lortutako emaitza onen ondotik jakinarazi dute. «Pozik dago EH Bai, lehen itzulitik bigarrenera ere, boz kopurua emendatzea lortu baitugu», azaldu du Peio Etxeberri-Aintzartek. Orain artean zituzten auzapez abertzaleei eustea lortu zuten lehen itzulian, horien artean, Alain Iriarti Hiriburun eta Daniel Oltzomendiri Izuran. Baigorrin ere, Herriko Etxea eskuratu zuten lehen itzulian. Bozen laurdena lortu zuten lehen itzulian Kanbon, Ziburun, Urruñan, Donibane Lohizunen edota Hazparnen. Donibane Garazin bozen herena erdietsi zuten lehen itzulitik. Baionako bigarren itzulian presente egotea lortu zuten, eta bozen %10 gainditu.

Lehen itzuliko joerak indartu dira bigarren itzulian, Etxeberri-Aintzarten arabera. Abertzalea da Uztaritzeko auzapeza, eta abertzaleei esker eskuratu du Kotte Ezenarrok Hendaiako Herriko Etxea

Jarrera irekia

Lehen itzulira begira, abertzaleek jarrera irekia hobetsi zuten, alegia, EH Bai izenarekin aurkeztu ordez, ezkerreko eta ingurumenaren aldeko militanteei irekitzea zerrendak. Herri gehienetan hautu hori egin zuten, eta emaitzak erabaki egokia izan zela frogatu du, EH Bairen iritziz. Izan dira, hala ere, puntu beltzak eta horien artean Miarritzeko kasua aipatu dute. Izan ere, han abertzaleak Michel Veunac zentristaren zerrendan sartu ziren lehen itzulitik, abertzaleen mezua lausotuz.

Bigarren itzulian ere, jarrera ireki hori atxiki nahi izan dute abertzaleek, berretsiz herri eta hiriak kudeatzeko duten borondatea. Zenbait kasutan, hala nola Hendaian, Urruñan, Ziburun edota Ahetzen, sozialistekin akordioak lortu zituzten. Bil Gaiten taldearen hobespenari jarraikiz, abertzaleek Lurralde Elkargoaren eta euskararen aldeko aldarria atxiki zituzten ardatz gisa. «Sozialistek jarrera irekia ukan duten herrietan posible izan da akordioa; jarrera itxia zuten tokietan, ez» erran du Etxeberri Aintzart Baionako kasua aipatuz.

Albiste gehiago

Apirilaren 2an eguneratua, 13:00etan. ©BERRIA

Koronabirusaren azken datuak

Berria

Euskal Herrian 10.022 gaixok eman dute positibo koronabirusaren proba eginda. 555 hil dira. COVID-19 gaitza izandako 2.459 pertsonari eman diete alta. Grafikoak, albiste barruan.

Gizon bat, Zagreben. ©ANTONIO BAT / EFE

Sakelakoen kokapena jasoko du Madrilek

Berria

Telefonica, Orange eta Vodafone konpainiek euren sareak erabiltzen dituzten sakelakoak non dauden kontrolatuko dute, eta informazioa Madrilgo Gobernuari emango diote. Koronabirusaren aurkako borrokan, populazioaren inguruko mugimenduei buruzko datuak biltzea da asmoa, Madrilen arabera, eta, gaineratu duenez, ikerketak ez ditu “gizabanakoen mugimenduak atzemango”, baizik datu “anonimoak eta multzoka”.

Murga, Urkullu eta Beltran de Heredia, diputazio iraunkorrean telematikoki azalpenak ematen. ©/ Irekia

Oposizioak «gardentasun falta» egotzi dio Urkulluri

Irati Urdalleta Lete

Iñigo Urkullu Jaurlaritzako lehendakariak azalpenak eman ditu Eusko Legebiltzarreko diputazio iraunkorreko bilkuran, EH Bilduk hala eskatuta. Argudiatu du «osasun arduradunen ezagutzan eta unean-unean jasotako informazioan oinarrituta» jokatu dutela.

Donostiako ospitaleko langile batzuk, mobilizazio batean ©Jon Urbe (Foku)

Osasuna bermatzen ez duten enpresak, fiskaltzara

Jokin Sagarzazu

LABek langileen kexak igorriko dizkio, zigor instrukzioko prozesuak ireki ditzala eskatzeko. Ohartarazi du oinarrizko zerbitzu batzuk «kolapsoan» daudela. ELAk, berriz, materiala bermatzeko eskatu dio EAEko Auzitegi Nagusiari.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna