Noiz sortua: 2013-12-18 00:30:00

Kutsu gazia duen altxorra

Plentziako badiako ur azpian egon diren 5.500 ardo botila atera dituzte hilabete honetan. Aurtengo uztan itsasoak izan duen eragina nabarmena izan dela diote adituek.
Abenduaren 9an eta 10ean atera zituzten itsaso azpitik Crusoe Treasure ardo botilak.
Abenduaren 9an eta 10ean atera zituzten itsaso azpitik Crusoe Treasure ardo botilak. BERRIA

Ainhoa Larrabe -

2013ko abenduak 18
Zaporez leuna, usainez indar handikoa, kolorez urdinxeagoa, eta hori guztia gatz zapore kutsu batekin nahastuta. Horrelakoa da aurten Plentziako (Bizkaia) badiako ur azpitik atera duten ardo uzta. Urtebete egin dute itsas azpian 5.500 ardo botilak, 18 metroko sakontasunean atseden hartzen. 365 egunez, arrain eta bestelako itsas bizidunen gordeleku izan dira. Baina luxuzko mahaietan zabalduko dituzte laster.

Abenduaren 9an eta 10ean atera zituzten botilak ur azpitik, eta orain goi mailako jatetxeetara bidaliko dituzte. Bajoelagua Factory enpresako zuzendaria da Borja Sancho: «Behin ardoaren goi mailako joskintza egiten genuela esan ziguten». Crusoe Treasure izena du Plentziatik ateratzen duten ardoak. Altxortzat dute botila barruko edaria, «esklusiboa». Hala definitu du Sanchok: «Bildumagileentzako produktua da». Aurtengo ardo uzta egiteko, Ribera del Duero eskualdeko (Burgos, Espainia) mahatsak erabili dituzte. «Amerikako merkatuari begira dago egina gehienbat». Antonio Palacios enologorekin ari dira elkarlanean. Hasieratik apustu egin zuen ardo mota horrengatik.

«Itsasoak ekarpen handia egin dio aurtengo ardoari», dio Sanchok, eta itsasoak eragindako aldaketa kimikoa sumatzen dela. Taninoa aipatu du. Ardoa dastatzean nabaritzen den lazgune eta lehorgarri sentsazioa da taninoa. Dastatze horretan itsas azpian egondako ardoa leunagoa dela dio. Usainari dagokionez, irekitzen den unetik usain indartsua nabaritzen zaiola adierazi du: «Usain handia du, lurrean utzitakoak baino handiagoa». Ardoaren mineraltasuna ere oso handia dela dio. «Gatz ukitua du», nabarmendu du Sanchok. Probatu ez duenarentzat, hitzez deskribatzea ez omen da erraza. Kimikoki ez ezik, zaporean eta usainean ere lurrean izaten den ardotik bereizten da. Hala uste du Sanchok: «Enologoek gauza bera diote».

Aurtengo uztako botila bakoitzak 185 euroko salneurria du. Baina gutxi dira Euskal Herriko mahaietan zabalduko direnak. Gehienek Errusia eta Alemaniarako bidea hartuko dute. Sanchok aitortu du oso ardo gutxi saltzen dutela hemen. Ekoizten duten ardo gehiena atzerrira bidaltzen dute. Crusoe Treasure markaren kontsumitzaile fidelenak Asiakoak direla dio: «Asko estimatzen dituzte ezohikoak diren produktuak, bitxiak direnak».

Ikerketatik ikerketara

Duela bost urte hasi ziren ardoa ur azpian gordetzea aztertzen. Itsasontzi hondoratuetan aurkitutako alkohol botiletatik hartu zuten ideia. «Itsasontzi hondoratuetatik berreskuratutako ardo botilen enkanteak izugarrizko arrakasta zuen». Hori ikusita abiarazi zuten itsas azpian egindako upategiaren proiektua. Plentziako itsasoko urak aukeratu zituzten; «bizia da, eta tenperatura ondo gordetzen du». Itsaslasterrek era berezi batean eragiten diote edariari. «Hasieran, zorotzat gintuzten», dio Sanchok. Hainbat ikerketa egin ondoren, ardoan adituak direnek ere nabaritu zituzten aldaketak. Denbora tarte berean lurreko upategian edo itsas azpian egondako ardo mota berak oso zapore ezberdina hartzen zuela antzeman zuten. Ardoarekin izandako arrakasta ikusita, cava eta garagardoarekin ikerketak egiten ari dira orain.

Albiste gehiago

Apirilaren 2an eguneratua, 13:00etan. ©BERRIA

Koronabirusaren azken datuak

Berria

Euskal Herrian 10.022 gaixok eman dute positibo koronabirusaren proba eginda. 555 hil dira. COVID-19 gaitza izandako 2.459 pertsonari eman diete alta. Grafikoak, albiste barruan.

Gizon bat, Zagreben. ©ANTONIO BAT / EFE

Sakelakoen kokapena jasoko du Madrilek

Berria

Telefonica, Orange eta Vodafone konpainiek euren sareak erabiltzen dituzten sakelakoak non dauden kontrolatuko dute, eta informazioa Madrilgo Gobernuari emango diote. Koronabirusaren aurkako borrokan, populazioaren inguruko mugimenduei buruzko datuak biltzea da asmoa, Madrilen arabera, eta, gaineratu duenez, ikerketak ez ditu “gizabanakoen mugimenduak atzemango”, baizik datu “anonimoak eta multzoka”.

Murga, Urkullu eta Beltran de Heredia, diputazio iraunkorrean telematikoki azalpenak ematen. ©/ Irekia

Oposizioak «gardentasun falta» egotzi dio Urkulluri

Irati Urdalleta Lete

Iñigo Urkullu Jaurlaritzako lehendakariak azalpenak eman ditu Eusko Legebiltzarreko diputazio iraunkorreko bilkuran, EH Bilduk hala eskatuta. Argudiatu du «osasun arduradunen ezagutzan eta unean-unean jasotako informazioan oinarrituta» jokatu dutela.

Donostiako ospitaleko langile batzuk, mobilizazio batean ©Jon Urbe (Foku)

Osasuna bermatzen ez duten enpresak, fiskaltzara

Jokin Sagarzazu

LABek langileen kexak igorriko dizkio, zigor instrukzioko prozesuak ireki ditzala eskatzeko. Ohartarazi du oinarrizko zerbitzu batzuk «kolapsoan» daudela. ELAk, berriz, materiala bermatzeko eskatu dio EAEko Auzitegi Nagusiari.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna