Michael Douglas hunkituta azaldu zen, atzo, Cannesko zinemaldian Behind the Candelabra filmaren aurkezpenean. Kontatu zuen eztarriko minbizia gainditu arte itxaron zuela zuzendariak (Steven Soderberghek) filma egiteko. Hunkituta azaldu zen Douglas, eta Cannesko ikusleak hunkitzea lortu zuen. Hala haren solasarekin nola filmarekin.
Behind the Candelabra-n homosexuala zela ezkutatu zuen kantari baten istorioa ekarri du Soderberghek. Kantari hark Walter Liberace izena zuen, eta filmean Douglasek antzeztu du. Liberace oso pianista eta, batez ere, showman ezaguna izan zen AEBetan 50eko eta 70eko hamarkaden artean. «Elton John, Lady Gaga eta antzeko estiloa dutenen nolabaiteko aita izan zen», adierazi du Douglasek Liberacez hitz egitean.
Soderberghek eta Douglasek orain dela 13 urte egin zuten lan Traffic filmean, eta, hain zuzen ere, orduan aipatu zion aurreneko aldiz zuzendariak aktoreari Liberaceren historia zinemara eramateko zuen ideia.
Steven Soderberghek 'Behind the Candelabra' aurkeztu du Cannesen
Hiru hamarkadaz bere izaera ezkutatu zuen kantari homosexual baten rola bete du Michael Douglasek
Iruzkinak
Ez dago iruzkinik
Ordenatu