Albistea entzun

Futbola. Polonia eta Ukrainako Eurokopa: Espainia-Portugal finalerdia

Aurkari izango ditu lagunak

Cristiano Ronaldo da Portugalgo selekzioaren zutabe nagusia. Gaur lau taldekide izango ditu aurrean: Alonso, Ramos, Casillas eta Arbeloa.

Jon Eskudero -

2012ko ekainak 27

Familia giroko norgehiagoka izango da Espainiaren eta Portugalen artekoa. Bai, behintzat, Cristiano Ronaldorentzat. Izan ere, Real Madrilen bere elastiko bera jantzita eduki ohi duten jokalariekin egingo du topo. Hain zuzen ere, Xabi Alonso, Arbeloa, Casillas eta Sergio Ramosekin. Portugalen aldetik Pepe eta Coentrao ere zelaian izango dira. Ordea, familian edukitzen den giro goxotik gutxi izango du partidak. Sutondoan egotetik sutan egotera badago aldea, eta bigarrenetik gehiago ikusi ahal izango da. Eurokopako finalean sartu ahal izatea dago jokoan, eta inork ez du hutsik egin nahi. Lagunak lagun izan arren, partida batez aurkari bilakatuko dira.

Ronaldo futbolari azkarra da, jaurtiketa bortitzekoa, baina, batez ere, nortasun handikoa. Ez zaio ezertan galtzea gustatzen. Irabazle amorratua da, eta gutxi axolako dio gaur nor duen aurrean. Une oro kontzentratuta dago, eta distantzia gordetzen du taldekideengandik. Hotza da, baina mundu guztiak dio errespetua taldean, zelaian erregea delako. Denbora librean ariketa fisikoa egiten aritzen da bere kasa, edota filmak ikusten. Hitz gutxiko portugaldarrak, baina, kalitate asko dauka, eta azkenaldian gola ere bai. Beraz, hobe dute espainiarrek erne ibili futbolak emaniko fenomeno horrekin.

Portugalgo selekzioko zutabe nagusia da Cristiano. Hark funtzionatzen duenean, taldeak emaitza onak lortzen ditu. Esaterako, Eurokopako lehen bi partidetan galduta egon ondoren, azken bietan hiru gol sartu ditu, eta beste hainbatetan egin du topo zutoinarekin. Herbehereen aurka birritan sartu zuen gola, eta Txekiaren kontra behin. Sasoi betean dago, eta ez da erraza gelditzen. Bestela, galde diezaiotela Arbeloa Espainiako eskuin hegalekoari eta portugaldarraren taldekideari. Gaur elkarren ondoan egongo dira, eta espainiarrak ezingo du une batez ere arnasa lasai hartu: «Cristianoren bizkarra zaintzea erronka latza da. Partidaren minutu guztietan gainean egon beharra dago, nahikoa baitu segundo bat gola sartzeko. Jokalari aparta da».

Bistan denez, Arbeloak ez du lan errazik izango, baina ezta Cristiano berak ere. Izan ere, Vicente Del Bosque Espainiako hautatzaileak plan bat prestatu du portugaldarra gelditzeko: «Cristiano jokoz kanpo uzten ahaleginduko gara, eta, horretarako, laguntza sistema erabiliko dugu». Antzeko sistema erabili zuten espainiarrek Hegoafrikako Munduko Txapelketako Portugalen aurkako partidan, eta ongi atera zitzaien. Ordea, Cristiano orduan baino jokalari hobea da egun, eta errebantxa gosez dago.

Talde bat 11 jokalarik osatzen dute, eta Portugal Ronaldo baino zerbait gehiago da. Ongi dago Real Madrileko jokalaria gertutik zaintzea, baina Espainiari ez zaio komeni harekin itsutzea, Nani ere area inguruan ibiliko baita. Ikusiko da ze izarrek egiten duen distira.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Irizpidea duzulako. Giroan zabiltzalako.

Zuk badakizulako.

Albiste gehiago

Bengoetxea VI.a, gaur, Bilboko Bizkaia pilotalekuan. ©Monika del Valle / Foku

Bengoetxeak ez du azken hitza esan

Paulo Ostolaza

Neurketaren bigarren erdian nagusitu da Bengoetxea. Gaur galduta, aurrera egiteko aukerarik gabe geratu da Elordi, eta Etxeberria finalerdietan da jada.

Cardoso, gaur, zazpi metroetako jaurtiketa bat botatzen. ©Idoia Zabaleta / Foku

Bera Berak berdindu egin du Paris 92ren aurkako joaneko neurketa

Paulo Ostolaza

Europako Ligako bigarren kanporaketako lehen partida jokatu dute gaur Donostian. Super Amara Bera Berak bizpahiru goleko errentak izan ditu bigarren zatian, baina erasoan ez du asmatu azken minutuetan.

Ospakizuna betea izan da

Ospakizuna betea izan da

Ainara Arratibel Gascon

Realak 1-0 irabazi dio Mallorcari azken unean, Lobetek sartutako golari esker. Txuri urdinak lider jarri dira. Bigarren zati osoa bat gutxiagorekin jokatu dute, epaileak bi txartel hori erakutsi baitizkio Aihen Muñozi

Bizkaiko Batel Ligaren 7. eta 8. jardunaldiak, 2019ko martxoan. Bizkaiko arraun taldeetako 500 neska-mutil batu ziren. / ©Bermeo Arraun Argazkiak

Pandemiak moteldu egin ditu

Natalia Salazar Orbe - Bizkaiko Hitza

Bizkaiko Futbol eta Atletismo federazioek esan dute behera egin duela bi kirolotan federatu diren gazteen kopuruak. Uste dute gazteek beste ohitura batzuk hartu dituztela azken aldian, pandemiaren ondorioz. Arraunera gazte gehiagok jo dute, baina fitxa kopurua antzekoa izango da aurten ere.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Irizpidea duzulako. Giroan zabiltzalako.

Zuk badakizulako.

Egin BERRIAlaguna