Albistea entzun

Greba orokorra. Herrialdeak. Gipuzkoa

Grebak guztiz geldiarazi du herrialdeko martxa

Adegik %60ko oihartuna izan duela esan arren, herriek bestelako irudia eman dute
Hernaniko industrialde bat, guztiz itxita.
Hernaniko industrialde bat, guztiz itxita. JON URBE / ARGAZKI PRESS

Aitziber Arzallus -

2012ko martxoak 30 - Donostia

Jaiegun bateko itxura hartu zuen atzo Gipuzkoak: kaleak hutsik; dendak, tabernak, ikastetxeak eta lantegiak itxita; eta autoak geldirik. Grebak guztiz gelditu zuen herrialdea, nahiz eta Adegik esan hamarretik sei ere ez zirela izan lanera joateari uko egin zioten langileak.

Debagoienean, «azken urteetako grebarik handiena» izan zela nabarmendu zuten LABeko ordezkariek. Fagor (Arrasate) eta Ulma (Oñati) kooperatibetako langileek bat egin zuten lanuztearekin, baita Bergarako ArcelorMittalekoek ere.

Debabarrenean, langile gehienek egin zuten greba, salbuespen batzuekin. El Corte Inglesekoek lanera joan behar izan zuten, enpresak hala erabakita. Taldeak Eibarren dituen hiru saltokietako handiena zabaldu zuen, modu bitxian zabaldu ere: hiru ateetatik bi itxita zeuzkan, eta hirugarrena botoi bati sakatuz irekitzen zuten, bezero batek sartu edo irten behar zuen bakoitzean.

Industrian, jarraipen handia

Goierrin, oihartzun handia izan zuen grebak, «ia %100ekoa», LABen arabera. CAF, Irizar, Ampo eta Indar enpresak, esaterako, itxita egon ziren. Kontuan hartzeko da enpresa horietako askotan langile bakoitzak erabakitzen duela greba egunean lanera joan ala ez, alegia, bozketaren emaitza ez dela bete beharrekoa izaten, eta, hala ere, lanera ez joateko hautua egin zutela ia denek.

Tolosaldea erabat gelditu zuen grebak. Eta Urola eskualdean eta kostan ere beste horrenbeste gertatu zen. Azkoitian, esaterako, Sidenorreko langileek greba egitea erabaki zuten, Azpeitiko Corrugadosekoek eta Zestoako TS Fundicionesekoek bezalaxe. Lan egitea erabaki zuten enpresak —adibidez, Zestoako bainuetxea— Ertzaintzak zaindu zituen. Zumaian eta Zarautzen ere inork gutxik zabaldu zituen ateak.

Beterrin ere eragin nabaria izan zuen lanuzteak. Hernanin, Astigarragan, Lasarte-Orian, Usurbilen, Urnietan... handi zein txiki, ia lantegi guztiek itxi zituzten ateak; besteak beste, Orona kooperatibak eta Zikuñaga paper fabrikak. Urbil merkataritza guneko dendarik gehienak ere itxita egon ziren, bai eta Galarretako teknologia parkeko lanak eta Urumeako saihesbidekoak ere. Ez hala abiadura handiko trenarentzat Andoainen egiten ari diren obrak. Hernani aldea gelditu egin zen atzo, baina Donostian gune batean nabarmen aritu ziren lanean: Miramongo parke teknologikoan. Eguerdi partean jende eta ibilgailu asko zebilen. Eta autoak eta herritarrak ospitaleetan ere pilatu ziren; Donostia ospitalearen eta Onkologikoaren artean jende mugimendu handia izan zen atzo.

Donostian, denda eta tabernarik gehienek ez zuten zerbitzurik eman, goizez behintzat, eta beste horrenbeste esan daiteke Bidasokoei buruz. Irunen eta inguruko herrietan, industriguneak eta kaleak hutsik egon ziren goizean goizetik. Pasaiako portua ere geldirik egon zen. Oro har, aparteko istilurik ez zen izan, Errenterian salbu. Lekukoen arabera, lau pertsona zauritu zituzten ertzainek, goiz partean piketeekin izandako liskar batean.

Eguerdi partean manifestazio jendetsuak egin zituzten hiriburuan, nola sindikatu abertzaleek, hala CCOO eta UGT sindikatuek.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Mondragon korporazioaren, Laboral Kutxaren eta Ikerlanen egoitzak, Arrasaten. ©MONDRAGON

Ulma eta Orona, Arrasatetik urrutiratzen

Aitor Biain

Mondragonetik atera, eta korporazioarekin harreman eredu berri bat izateko proposamena egin dute Ulmak eta Oronak. Ereduen talkak eragin du bide propioa abiatu nahi izatea. Abenduaren 16an erabakiko dute bazkideek.

Koordinazio batzordearen bileraren hasiera, atzo, Iruñean, Nafarroako Jauregian. ©IÑIGO URIZ / FOKU

Madrilek eta Iruñeak 431 milioiko ekarpen garbia itundu dute 2020rako

Joxerra Senar

Metodologia zehaztuta, Nafarroak lehen bi urteetan gehiago pagatu zuenez, estatuak 138 milioi euro itzuliko dizkio. Aurtengo ekarpenari dagokionez, doikuntzak eginda «aldekoa» izatea espero dute

Liberiako petroliontzi bat Gdanskeko portuan, artxiboko irudi batean. ©ADAM WARZAWA / EFE
Tubacexeko langileen protesta, 2021eko otsailaren 23an, Laudioko lantegiaren aurrean. ©LAB

Espetxe zigorrak eskatu dituzte Tubacexeko hiru grebalariren aurka

Berria

Iazko otsailaren 23an atxilotu zituen Ertzaintzak, enpresaren atarian. Isunak ere eskatzen dituzte haien aurka

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.