Albistea entzun

Donostiako 59. Zinemaldia. Plano subjektiboa

Hitzik gabe

Koldo Almandoz -

2011ko irailak 25

Hala geratu naiz The Artist filma ikusi ostean. Antzoki Zaharretik atera eta lurreratzea kostatu egin zait. Gustatu ote zaidan galdetu didatenean ez nekien zer esan, gustatu zaidala soilik esatea gutxi iruditzen zitzaidalako.

Hainbesterako izan da, erabaki dudala ikusi berri dudan filmari eskaintzea normalean maskorren kinielari eta Zinemaldiari begiratu bat egiten dion azken zutabe hau. Ostirala da. Hau irakurtzen duzuenerako Zinemaldiak berea egin du. Sariak loteria hutsa dira. Maskorrak hondar bihurtzen dira.

Zuri-beltzean filmatutako film mutua da The Artist. Eta, hain zuzen ere, zinemak, mututasunetik soinuen mundura salto egin zuen garaian dago kokatuta. Zinemaz mintzo den zinema. Zinema mutuaren aroko film askori keinu egiten diona. Formatu panoramikoari muzin egin, eta 1:33 pantaila karratuan dago filmatua. Musika eta irudi aldetik estilo ariketa zoragarria eskaintzen du. Gidoia maisulan bat da. Une eta detaile liluragarriz jositako istorioa. Eta gidoiari lotuta pertsonaia zoragarriak. Jan Dujardin eta Berenice Bejo aktoreen lanak lehen segundotik harrapatzen zaitu. Hitzik esan gabe ezin daiteke hainbeste gauza esan. Zakurrak ere bikain egiten du bere papera, baina ez du hainbeste meriturik, ohituagoak gaude zakurren mututasunera.

Michel Hazanavicius zuzendariak nondik atera zuen ekoizle bati honelako pelikula bat proposatzeko kemena? Ez dakigu, baina eskertzen diogu. Eta eskertzen diogu ekoizleari The Artist-en alde apustu egin izana. Sumatuko zenuten ia-ia esperientzia erlijioso batek harrapatuta nabilela. Filmaren edertasunak hipnotizatuta nauka oraindik. Pantaila handian ikusten baduzue, zinema areto bat tenplu bat izan daitekeela sentituko duzue. Eta lilura hau orokorra izan dela jakiteak poztu egiten nau. Oraindik pelikula ezberdin, entretenigarri eta bikainak egin daitezkeela frogatzen duelako. Zinema, magia izan daitekeela gogorarazi didaten film horietakoa da The Artist.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

1 ©MARISOL RAMIREZ / @FOKU

Berriro ere topagunea da

Ainhoa Sarasola

Iazko etenaren ondotik, aurrez aurrekoa izatera itzuli da Durangoko Azoka, eta, edukiera mugarekin, jendez bete da berriro ere Landako Gunea. Txandaka joan dira sartzen bisitariak, pilaketarik gabe

 ©ARITZ LOIOLA / FOKU

«Nahikoa lan izan dugu atzerakadari eusten»

Iñigo Astiz

Loiola, festara etorri, eta kulturak harrapatu zuen bere lehen Durangoko Azokan, eta Del Campo sormenerantz bultzatu du pandemiak. Landakon ezagutu dute elkar.

Nerea Ibarzabal bertsolaria, atzo, Bizkaiko Bertsolari Txapelketako hirugarren eta azken finalaurrekoan, Larrabetzun. ©JAIZKI FONTANEDA / FOKU

Begirada guztiak finalera begira

Olatz Enzunza Mallona

Nerea Ibarzabalek irabazi du Bizkaiko Bertsolari Txapelketako hirugarren eta azken finalaurrekoa. Horrekin batera, erabakita geratu da finalisten zerrenda

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.