K2000ko langileak lanuzteak egiten ari dira, enplegu dosierraren aurka

Hamabost langileri eragingo dio K2000-Mediapro enpresak aurkeztu nahi duen enplegua erregulatzeko dosierrak. Ekoizpen etxeko langile batzordea eta zuzendaritza negoziatzen ari dira azkeneko egunetan, baina ez dira ados jarri. Hori dela eta, langileak lanuzteak egiten ari dira. Aurreko astean hamabost minutukoak izan ziren lanuzteak. Atzotik, berriz, ordubetekoak dira. Atzoko lan uztearen ondorioz, ETB1eko Arratsaldero magazina behar baino hogei minutu geroago hasi zen.