Albistea entzun

Futbola. Espainiako Kopako finala: Athletic-Bartzelona

Sentimenduaren indarra

Madrilgo Euskal Etxeko peña 1998an sortu zen, eta 55 kide ditu egun. Athleticen partida guztiak ikusten dituzte bertan, eta ilusioz gainezka bizi dituzte egunok.
Madrilgo Euskal Etxeko peña zuri-gorriko kide batzuk, Athleticen bandera batekin, atzo.
Madrilgo Euskal Etxeko peña zuri-gorriko kide batzuk, Athleticen bandera batekin, atzo. JON ESKUDERO

Jon Eskudero - Berriemaile berezia

2012ko maiatzak 25 - Madril

Athleticek milaka jarraitzaile dauzkala ez da kontu berria: «Madrilen bertan, bederatzi peña ditu talde zuri-gorriak, eta zaleak, askoz gehiago. Zerbait berezia badaukate bilbotarrek jendea erakartzeko». Jose Luis Gomez Madrilgo Euskal Etxean dagoen Athleticeko peñako presidentearen hitzak dira. Azken egunotan buru-belarri ari da lanean hedabideei kasu egiten: «Nekatuta nago, baina merezi du. Euskal herritarrak gurean ikusteak beti ematen du sekulako poza. Eurengatik gara gu garena». Gomezen esanetan, bere aitak amets bakarra zeukan hil baino lehen betetzeko: «Aitak zera esan zidan behin, hil aurretik San Mameseko giroa bizi nahi zuela, eta sarrera bat oparitu nion iaz. Haren bizitzako egunik zoriontsuenetakoa izan zen». Dena den, oraindik bizi du aita.

Esaten duen guztia benetan esaten du Gomezek. Aurpegian nabari zaio. 1998. urtean sortua da Euskal Etxeko peña, eta ordutik makina bat ordu sartu du lanean. Gaurko ere ekitaldi ugari antolatu dituzte: kontzertuak, hitzaldiak, taldearen historiako partiden emankizunak, bazkaria... «Ilusioz bizi ditugu egunok. Peñako kideak egunero etortzen dira Euskal Etxera, eta kuadrilla ederra elkartzen gara Bielsaren eta taldearen ibiliari buruz hitz egiteko».

Halaxe da, bai. Gomez hizketan hasi orduko, beste lau lagun hasi zaizkio arrazoia emanaz edo kenduz. Alejandra Herranz da horietako bat. Argentinarra bera: «Orain bost urte etorri nintzen Madrilera, baina aurrez ezagutzen nuen Athletic. Haren filosofiaren berri eman zidatenean, berehala pentsatu nuen nire benetako taldea zela. Sarritan joaten naiz Bilbora». Eta Herranzen antzera ibiltzen da jende asko.

Euskal Etxera sartu baino lehen igar daiteke bihotzez maite dutela taldea. Bertako balkoian, hogei metroko bandera zuri-gorri bat dago. Lehenengo solairuan, ehun lagunentzako baino gehiagorentzako egongela bat, Athleticen partidak ikusteko. Eta hortik gora, berriz, denetik. Gela batean garai bateko argazkiak eta koadroak dauzkate ikusgai, bufandekin batera.

Azkeneko Kopa gogoan

Baina lehengo argazkiak bakarrik ez, memoria ere ongi gordeta daukate. Julio Ribasek 32 urte daramatza Athleticeko bazkide izaten, eta inoiz ez omen du ikusi taldea orain bezalako maila onik ematen. Dena den, momenturik hunkigarriena taldeak azkeneko kopa irabazi zuenean bizi izan zuen: «Arizonan geunden lagun bat eta biok, eta sekulako festa egin genuen. Erotuta zeudela pentsatzen zuten denek». Madrildarrek gaur gauza bera pentsatzea seinale ona litzateke.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Kike Barja, gaur, jokaldi batean. ©Biel Aliño / EFE

Osasunak hutsean berdindu du Levanteren zelaian

Berria

Gorritxoek zazpi jardunaldi daramatzate irabazi gabe, baina zortzigarren postuari eusten diote. Gaur hobea izan da Levante, sailakpeneko azkena.

Urrutikoetxea eta Aranguren besarkatuta, gaur, Bilbon, Albisuri eta Peñari irabazi berritan. ©Marisol Ramirez / Foku

Bigarren garaipena Urrutikoetxea-Arangurenentzat

Berria

Ezustekoa eman eta bikote faboritoetako bati irabazi diote. Urrutikoetxea izan da partidako onena. Emakume Master Cupeko lau eta erdiko finala Miriam Arrillagak eta Amaia Aldaik jokatuko dute.

Alaveseko eta Valentziako jokalariak lehian, gaur. ©Jaizki Fontaneda / Foku

Alavesek eta Realak irabazi, Eibarrek berdindu

Paulo Ostolaza

Emaitza bikainak eskuratu dituzte gaur jokatu duten hiru euskal taldeek. Alavesek Valentziari irabazi dio (3-1), Realak Madrili (1-2), eta Eibarrek Huelvan berdindu du (1-1).

Realeko jokalariak burumakur, Real Madrilek bigarren gola sartu eta gero. ©JAVIER ETXEZARRETA / EFE

Biguntasuna ordaindu du

Ainara Arratibel Gascon

Lehen zati amaiera on baten ostean, Realak bi gol jaso ditu bigarren zatiaren hasieran, atzean gaizki zaindutako bi jokalditan. Ezin izan du suspertu. Txuri-urdinek hirugarren porrota kateatu dute

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.