Maratila

Terrorista

Xabier Etxaniz Rojo -

2013ko abenduak 12

(BERRIAko ikerketa sailak Espainiako Barne Ministerioaren bi funtzionariori grabatutako telefono elkarrizketa)

—Dolores, konpondu al dun arazoa?

—Bai, Jorge, azkenean konbentzitu diagu, ederki kostata, hori bai.

—Ah bai?

—Hasieran ez zian ulertzen. «Tira, Mariano —esan zioagu—kontua erreza da: mundu guztia han egongo da eta zuk ere han egon behar duzu». Eta Marianok ezetz, ez zela joango.

—Zer esan du, ba?

— «Lehen terrorista zen, ezta? Ba, kartzelan hogeitaka urte pasa eta gero terrorista izaten jarraituko du, ezta? Hori mundu guztiak daki», erantzun ziguk. Eta bera ez zela joango terrorista baten hiletara, biktimak iraintzea litzatekeela…

—Horrela ikusita, ez zaion arrazoirik falta…

—Bai, baina hau ez duk gure terrorista izan, ezpada haien terrorista… alde ederra gero!

—Hori ere egia dun, Dolores.

—Ba ez pentsa amore berehala eman duenik. Berean jarraitu dik, AVTkoei galdetu behar ziela, ez zitzaiola normala iruditzen metamorfosi hori… Imajina ezak, halako batean esan dik Parot doktrinarekin terrorista izaten jarraituko lukeela… Negarrez hasi ez denean...

—Baina joango da, ezta?

—Bai, joango duk. Munduko futbol txapelketa bertan irabazi genuela esan diodanean berehala alaitu zaiok kopeta…

—Bejondeinala, Dolores!

—Ez zekiat ba… Susmoa diat estadiora iritsi eta futbolari buruzko zerbait aipatuko duela, eta hori, hileta batean, ez lukek oso egokia…

—Ez dinat uste…

(erredakzioan itzulia)

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Olatu sinkronizatua

Berria

Bi urte barru Europako kultur hiribirua izateko bidean, bosgarren Olatu Talka lehertu da asteburu honetan Donostian, 250etik gora proposamen sinkronizatu eskainita parte hartu nahi duen orori. Sormena, kirola argazkian, Easo igeriketa taldeko kideen atzoko erakustaldia, aldarrikapena eta elkartasuna nahastu dira egitarauan. Donostiatik kanpo ere zabaldu da aurten eskaintza, gainera.

Alarmak piztuta

Berria

Nafarroan, berezko arraza batzuk galzorian

60 urteko gaztea

Berria

Fender Stratocaster gitarra elektrikoa, 1954tik doinuka

Hemen da Olentzero

Berria

Gaur kalez kale eta etxez etxe ibiliko da, haurren begiradapean

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna