Komunikazioa

EITBnet sozietatearentzat, 120.000 euroko kapital handitzea

Jaurlaritzak onartu du dekretua eta EITBri baimena ematen dio kapital zabalkuntzan parte hartzeko

Ainhoa Arano -

2013ko urtarrilak 15

Eusko Jaurlaritzak 120.000 euroko kapital zabalkuntza onartu du EITBnet sozietate anonimo publikoarentzat. Euskal Irrati Telebista erakunde publikoari baimena ematen dio kapital zabalkuntzan parte hartzeko. Zabalkuntza hamar euroren balioa duten 12.000 akzio berri jaulkiz egingo da. EITBk zabalkuntzaren %100ean parte hartuko du. Horrela, erakunde publikoak 961.910 euroko parte hartzea izango du: hamar euroren balioa duten 96.191 akziotan banatuta. EITBnet konpainiak 2012ko azaroaren 14an egindako ezohiko batzar batean hartu zuen kapital soziala 120.000 euro handitzeko erabakia. EITBnet sozietatearen akziodun bakarra EITB da; horrenbestez, sozietate horretan bazkide izateari dagozkion eskubideez baliatuko da akzio berriak eskuratzeari buruzko erabakia hartzeko.

Euskadiko Ondareari buruzko Legeak ezartzen du enpresa ondarea osatzen duten ondasunak eta eskubideak eskuratzeko aurretiaz Jaurlaritzaren baimena beharko dela. Hala, Ogasun eta Finantzetako sailburuaren eta Hezkuntza, Hizkuntza Politika eta Kulturako sailburuaren proposamenez, gobernu kontseiluak urte amaieran aztertu eta onartu zuen dekretua. Iragan ostegunean argitaratu zen Euskal Herriko Agintaritzaren Aldizkarian. Ordutik, indarrean da.

EITBk 2003an jarri zuen martxan EITBnet erakundea, Interneterako, sakelako telefonoetarako eta telebista digitalerako edukiak sortzeko asmoz. Sozietateko estatutuen arabera, helburua da «komunikazio eta zerbitzu berriak martxan jarri eta mantentzea, bestelako gune teknologikoekin elkarlanean aritzea eta, ikus-entzunezkoen sektorearen garapena sustatzeko akordio estrategikoetan parte hartzea».

2009. urteaz geroztik, Edurne Ormazabal da EITBren Interneteko guneko zuzendaria.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Nekane Murga Jaurlaritzako Osasun sailburua agerraldi batean. ©Javier Etxezarreta/EFE

Murga: «Hau bigarren olatua da»

Olatz Esteban Ezkati

Azken orduetan nabarmen ugaritu dira kasuak Hego Euskal Herrian: 419 positibo atzeman dituzte, atzo baino 108 gehiago.

Bastidan, mahats bilketa, 2018an. ©Jaizki Fontaneda / Foku

Araban ere PCRak egingo dizkiete sasoikako langileei

Berria

Arabako Errioxan mahats bilketan 2.500 eta 3.000 langile artean ibiltzea espero da, eta Jaurlaritzak baieztatu du aukera hori aztertzen ari direla. Nafarroak sasoikako langileei eginiko lehen proben emaitzak jaso ditu: denek negatibo eman dute.

Azkaineko (lapurdi) eskolako sartzea, itxialdiaren ondotik. ©Guillaume Fauveau

Bidarteko udalekua itxi dute langile batek positibo eman duela eta

Oihana Teyseyre Koskarat

31 haur izan dira kontaktu zuzenean. Udalekua hetsirik egonen da bi egunez gutxienez. Maskara derrigortu dute Bidarten, Ezpeletan, Getarian (Lapurdi) eta Donibane Garazin.

Aguraingo plaza. ©Aritz Loiola/FOKU

Aguraingo Kokolo eta Donostiako Ramuntxo Berri tabernetan izan direnei proba egitera joateko eskatu die Jaurlaritzak

Berria

Agurainen, uztailaren 29tik abuztuaren 2ra han egon zirenei egin die deia; Donostian, berriz, uztailaren 26tik abuztuaren 3ra egondakoei.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna