IXA taldearen hainbat produktu

APLIKAZIOAK

•Xuxen. Zuzentzaile ortografikoa mugarri izan zen IXA taldearen historian. 20 urte daramatza merkatuan. Programa eta aplikazio askotan erabili izan da, oinarriak ezarri baitzituen. Hasieran, UZEI eta Hizkiarekin garatu zen; gero, IXAkoek sortutako Eleka enpresaren bitartez.

•Matxin. Software libreko itzultzaile automatikoa da. Gaztelera-euskarazko bertsioa baldin badago ere, laster euskara-ingelesa ere egongo da. Elhuyarrekin elkarlanean ateratakoa.

•Bertsorobot. Andoni Egaña bertsolariarekin lehiatu zelako egin zen ezagun. Adimen artifizialeko lehen esperientzia da robot bertsolaria.

TRESNAK

•Arikturri. Euskara ikasteko ariketen sortzaile automatikoa da, Berbatek proiektuan, Elhuyar Fundazioak eta IXA eta Aholab ikerketa taldeek aurrera eramana; tresna hau erabiliz aplikazio bat sortu zuten, hizkuntza-irakaskuntzara tutoretza pertsonal informatiko bat sortuz.

•Eustagger: Euskarako etiketatzailea, testuen prozesaketan ezinbesteko tresna, hainbat aplikaziotan erabilia, itzulpengintzarako edota bilaketetarako besteak beste.

BALIABIDEAK

•EDBL. Euskararen lema, deklinabide, aditz jokatu eta esaldi egin funtzeskoenak gordetzen dituen datu-base lexiko erraldoia. Euskaltzaindiaren azken erabakiekin eguneratzen da, eta tresna eta aplikazio guztietan erabiltzen da.

•EuskalWordNet: Hitzen adierak lantzen dituen datu-base semantikoa da (sinonimoak, hiponimoak...). Adierak, Wordnet datu-base eleaniztunarekin lotuta dagoenez, euskara beste hizkuntzekin lotzeko gaitasuna du.

•EPEC korpusa: euskarazko testu bilduma etiketatua. Hizkuntzalarien lanari esker, testu orokorrak etiketatu dira morfologikoki, sintaktikoki eta semantikoki. Tresna guztietan ikasketa automatikoa integratu ahal izatea ahalbidetzen duen erreferentzia da.