Albistea entzun

Larrepetit

Entzierrorako instrukzioak

Arantxa Iturbe -

2013ko uztailak 7

Argi utzi behar zaie ez dutela galbiderik. Bidea inoiz egin gabeak badira ere bakarra dela, beraz, begiak itxita ere erraz egiteko modukoa. Hala ere, inseguru sentitzen direnei esan beharko zaie elkarrekin joan litezkeela eta atzendu ezkero bide-lagun izango dutela joalduna. Instrukzioen artean bat garrantzitsua: etxafuegoa izango dela seinalea. Etxafuegoarekin batera irekiko dietela atea eta libre utziko dituztela plazara bitartekoa nahi bezain azkar egiteko. Gaizki ulerturik izan ez dezaten, eta dena behar bezala joan dadin, komenigarria parean eta ezker-eskuin azalduko zaizkien izaki zelebre horiena ere kontatzea. Zain edukiko dituztela esplikatzea. Eta asko direla. Ez bakarra. Atea ireki berritan munstro zuri-gorri handia irudituko zaien hori munstro txiki asko direla. Eta haien artetik egin beharko dutela korri, ez baleude bezala, baina ikusezinak balira bezala ere ez. Beharbada gehiago kostatuko zaie hori ulertzea. Alegia, izaki txiki horiek mindu egingo liratekeela batere kasorik egin ezean eta horregatik komeni dela tarteka adarrak ezker-eskuin mugitzea eta mugimendu bakarrez hil ditzaketela adieraztea. Hil gabe, ahal bada. Orduan benetan mintzen direlako. Erremediorik gabe. Zanpaketez ere bi hitz egitea sobran ez: bidean topatzen dituztenekin entretenitu beharrean haien gainetik salto eginez azkarrago iritsiko direla gogoraraziz, adibidez. Odol berokoei nik esango nieke bi hankakoak ez daudela hor bidea oztopatzeko. Igual, ilusioarena ere bai. Ilusioa egiten diela itsu-itsuan korri egiteak, sinetsita daudelako eurek tirata iristen direla plazara, euren gidaritzari esker, euren ausardiari esker.

Ulertzeko gai direnei argi hitz eginez ez luke arazorik behar entzierroak aurten ere izaki zelebreen gozagarri izateko.

A, eta sinfalta esan beharrekoa, itxura oneko etortzeko. Kamarengatik.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...