Iritzia

Min luze bat

Karmele Jaio -

2013ko urriak 11

Gertutik begiratuz gero, inor ez da normala. Hala esaten dute eta Alice Munroren ipuinetako pertsonaiak ideia hau egiaztatzera datoz. Munrok jende arrunta erakusten digu, euren bizitza arruntetan murgilduta dauden emakume eta gizonak, baina normaltasunean arrakala bat irekitzen da beti, eta arrakala horretatik barrena darama irakurlea idazketa lasai eta luzearen bitartez, presarik gabe pertsonaien xehetasun asko kontatuz, eta istorioaren adarretatik joanez. Askotan irakurlea zurrunbilo baten erdian sentitzen da, nora naramazu galdezka bezala, baina umeekin gertatzen den modura, poliki-poliki, ia konturatu gabe istorioa hazten doa, eta bat-batean eraikin handi baten aurrean aurkitzen gara. Itzal izugarria uzten duen eraikin erraldoi bat agertzen da gure aurrean eta konturatzen gara idazlea gutxika ereiten joan den hori barruan iltzatuta geratu zaigula, gehienetan bizitzaren inguruko irakaspen sakon bat.

Bizitzaz idazten du Munrok, bizitzaren konplexutasunaz; esaten digu bizitzan ez dagoela ezer erraza denik, sinplea denik; gauzak uste baino konplikatuagoak direla. Pertsonaien ahulezia eta atsekabea agerian uzten ditu, baina garrasirik egin gabe, tiraldi zakarrik gabe, aldiz, azaletik tirita bat geldika kentzen digula sentituko dugu. Min luze bat.

Nobel saria jasotzen duen hamahirugarren emakumea, bere seme-alaben siestan idazten zuena. Oraindik gela propioa behar dugula gogorarazten diguna.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Patricia Lopez Arnaiz aktorea,' filmaren eszena batean. ©Berria

‘Ane’ euskarazko filma, lan onenaren Goya sarirako hautagai

Ainhoa Sarasola

Film, zuzendaritza eta emakumezko aktore protagonista onenaren sarietarako izendatu dute David Perez Sañudo zinemagile bilbotarraren lana, besteak beste. Pablo Agueroren 'Akelarre'-k, berriz, bederatzi izendapen eskuratu ditu. Espainiako Zinema Akademiak martxoaren 6an egingo du sari emate ekitaldia.

Tabakaleraren 2021. urteko programazioaren aurkezpena, gaur goizean ©Gorka Rubio/FOKU

Tabakalerak euskal sorkuntza «nazioartekotzea» izango du helburu 2021. urtean

Maria Ortega Zubiate

Hiru milioi euroko aurrekontua izango du aurten zentroak, eta 30 programa eskainiko ditu. Profesionalentzako sarbide izateaz gain, herritarrak kulturara heltzea ere badu helburu.

Juan Carlos Tabío, 2008ko irudi batean. ©Rolando Pujol / EFE

Juan Carlos Tabío zinemagile kubatarra hil da

Ane Eslava

Tomas Gutierrez Alearekin batera 'Fresa y chocolate' eta 'Guantanamera' filmak zuzendu zituen, besteak beste. 78 urte zituen.

Guggenheim museoa, artxiboko irudi batean. ©Marisol Ramirez / Foku

Andreak nagusi Guggenheim museoko aurtengo programazioan

Amaia Igartua Aristondo

Bilboko Guggenheim museoak zortzi erakusketa antolatuko ditu 2021ean. Urtarrilaren 29tik aurrera ikusi ahal izango da lehena: ‘Bilbo eta pintura’. Orokorrean, emakumezko artistek «protagonismo nabarmena» izango dute aurtengo eskaintzan

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.