Albistea entzun

Estatistikak ere alde dauzka

Baskoniak 0-1 dago aurretik ACB ligako finalean. Kantxa faktorea aurka duen talde batek hamar aldiz lortu du hala hastea, eta bederatzitan txapeldun izan da.
Janis Timma Baskoniakoa txikitze bat egiten herenegungo norgehiagokan.
Janis Timma Baskoniakoa txikitze bat egiten herenegungo norgehiagokan. JUANJO MARTIN / EFE Tamaina handiagoan ikusi

Ainara Arratibel Gascon -

2018ko ekainak 15

Baskoniak herenegun Real Madrilen kontra irabazi izanak balio handia du berez. ACB liga irabazteko aukera izateko, Madrilen gutxienez garaipen bat behar zuen, eta lehenengoan lortu du. Baina estatistikei erreparatuta, irabazi izanak are balio handiagoa du.

Baskonia hiru aldiz izan da ligako txapeldun—2001-2002, 2007-2008 eta 2009-2010 denboraldietan— eta guztietan aurka izan du kantxa faktorea, orain bezala. Emaitza 0-3 izan zen guztietan.

Bost partidetara jokatu diren ACB ligako 31 finaletatik hamarretan irabazi du lehen partida kantxa faktorea aurka duela taldeak. Horietatik bederatzitan txapeldun izan da. Soilik Bartzelonak lortu zuen 1994-1995 denboraldian 0-1eko irauli, eta titulua eskuratzea. Unicajari irabazi zion, 3-2.

ACB ligako 34 finaletatik 11tan gailendu da kantxa faktorea aurka duen taldea. 1996ra arte abantaila hori izatea erabakigarria zen. Baina ordutik jokatu diren 21 finaletan joera bestelakoa izan da. 11 alditan nagusi izan da lehen bi partidak etxetik kanpo jokatu dituen taldea, eta, hamarretan, alderantziz gertatu da. Bestalde, 28 aldiz, lehen partida irabazi duen taldeak lortu du titulua. Azken bi finaletan, ordea, kontrakoa gertatu da. Beraz, adi ibili beharko dute arabarrek.

Gaur jokatuko du Baskoniak bigarren partida (22:15), berriro ere Madrilen. 0-2koa lortzeko, lehen lehiako joko on, ausart eta serioari eutsi beharko dio.Vildozak eta Huertasek gidatuta, ia partida osoan jarri ahal izan zuten jokoaren erritmoa. Hala,Real Madrili ez zioten ohikoa duen joko bizia egiten utzi. Kontrakarrean aritu zen Pablo Lasoren taldea

Defentsan serio jardun zuten arabarrek. Nahiz eta Carrolek (20 puntu) eta Tavaresek (12 puntu) min egin, ondo lotu eta zaindu zuten Real Madrilen kanpoko jokoa. Doncicek hamabi puntu sartu zituen, baina partida osoan pipertuta sumatu zitzaion. Hiruko bost saiakera egin zituen, baina ez zuen bakar bat ere sartu.

Erasoan, berriz, ondo mugitu zuen baloia Baskoniak, jaurtitzeko aukera onak lortuz. Sei jokalarik hamar puntu baino gehiago sartu zituzten: Vildozak (16), Poirierrek (13), Timmak (12), Xengeliak (12), Voigtmannek (11) eta Beauboisek (11).

Hobetzeko gauzen artean ondorengoa dago: ez zuen jakin norgehiagoka erabakitzen aukera izan zuenean. Horren adibide argigarriena azken laurdenean gertatu zen. Arabarrak bederatzi punturen aldearekin zeuden partidako azken hamar minutuetan: 58-67. Baina Real Madril gai izan zen markagailua iraultzeko. Lehia bukatzeko hiru minutu falta zirenean, bi punturen aldea zuten etxekoek: 81-79. Hortzak estutu behar izan zituen berriro Baskoniak, eta beltz lan egin. Azken minutu horiek ondo kudeatu zituen, eta jaurtiketa libreetan finago aritu zen. Baina berriro agertu zen galtzeko mamua: hamaika segundo besterik falta ez zenean sei puntu aurretik zeuden (84-90), baina Llullek eta Carrollek bi hiruko sartu zituzten eta emaitza estutu zuten. Eskerrak tartean Voigtmannek biko saskiratze bat lortu zuela, eta Beaboisek jaurtiketa libreetan asmatu zuela. Une horietan, Baskoniak erakutsi zuen talde gaztea izan arren presioak ez duela mendean hartzen.

Pedro Martinezen zuhurtzia

Horri eutsi behar dio gaur, eta «zuhurtziaz jokatu», Pedro Martinezen arabera: «Norgehiagoka bat baino ez dugu irabazi, eta hiru lortu behar ditugu. Umilak izan behar dugu. Europako txapelduna dugu aurrean, eta gogotik egin beharko dugu lan liga irabazteko».

Martinezen etorkizunaren inguruan mintzatu zen atzo Josean Kerejeta presidentea: «Gu oso pozik gaude berarekin, eta uste dut bera ere hala dagoela gurekin. Kontratua dauka, eta logikoena da hemen segitzea».

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Jokin Altuna eta Beñat Rezusta, ostegunean Miribilla frontoian egindako pilota aukeraketan. ©MARISOL RAMIREZ / FOKU

Onena ematea da omenaldi onena

Julen Etxeberria

Rezustak eta Altuna III.ak buruz buruko finala jokatuko dute gaur. Batek bigarren txapela nahi du; besteak, lehena, atzelari batek azkenekoz irabazi eta hemezortzi urtera
Tolosaldeko arraunlariak, ETE ligako lehen estropada irabazi berritan, atzo, Pasai San Pedron. ©JON URBE / FOKU

Lehengo lepotik burua

Julen Etxeberria

Iaz bezala, Tolosaldeak eta San Pedrok irabazi dute ETE eta KAE 1 ligetako lehen estropada. Lau segundo pasatxorengatik nagusitu dira
Izeta VI.a eta Izeta III.a, txapelekin, atzo, Tolosako zezen plazan. ©IBON ERRAZU

Izetatarrek eta Arruti-Orbek irabazi dute euskal pentatloia

Berria

Aurrenekoek 34 segundo hobetu dute errekorra: 40.24. Bigarrenak Zelai III.a-Ansorregiri nagusitu zaizkie
 ©CLIVE BRUNSKILL / EFE

«Tituluak irabaztea polita da, baina ez da dena futbolean»

Ainara Aratibel Gascon

Duela bost urte iritsi zen Parisera Paredes, eta orduan zuen ametsa bete du: Frantziako Liga irabaztea. Irailean beste amets bat beteko du: ama izatea. «Hilabete politak ditut aurrean», adierazi du.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.