Atera, atera, trapuak saltzera... ari da irratia. Iparragirreren bertsoetako Ramon Batista alegiarrak zertarako erosten zituen trapu zaharrak ez bada herriko paper-fabrikari saltzeko? Trapu zaharra egosten zuten papera egiteko, sekulakoa zen kiratsa: halako paperetan idatzita daudehainbat mendetako maisu-lan eta poeta txiki-erdien papurrak. Trapu zaharren historiaren gainean. Marcin Halas poeta poloniarrak: «Agian poemak edo fakturak edo maitasun gutunak edo atxiloketa-aginduak idatziko dituzu ume hilberrien atorrekin, soldadu fusilatuen zirtzilekin, [...], puten azpiko jantziekin egindako paper horretan...».
Informatiboa hasi da irratian. Kongoko egoera ere hartu dute hizpide. Baita koltanaren bila jartzen dituzten ume ahalik txikienen egoera lazgarria ere, gure telefono eta ordenagailuek behar duten koltanari esker nahi adina poema, faktura, maitasun-poema idatz dezagun haietan...
Guk ere ez dugu inozentziaren gainean idaztean.
HITZ BESTE
Atera, atera!
Iruzkinak
Ez dago iruzkinik
Ordenatu