Albistea entzun

Burujabetzaren diruak

Arcadi Oliveres ekonomialari katalana erabakitzeko eskubidearen inguruan arituko da Errenterian

Erredakzioa -

2013ko azaroak 6

Katalunia eta erabakitzeko eskubideari buruzko hitzaldi sorta antolatu du Errenteriako Batera Bai elkarteak (Gipuzkoa). Gaur, Arcadi Oliveres ekonomialari eta gizarte ekintzailea arituko da hitz egiten erabakitzeko eskubidearen alde ekonomikoaren inguruan. Hurrengo hitzaldian, Kataluniako PSC alderdiko kide izandako Ernest Maragall mintzatuko da.

Oliveres Ekonomian katedraduna da, eta kristau mugimendu progresistan egin du lan, besteak beste, bakearen alde eta armen negozioaren kontra. Justicia i Pau elkarteko presidentea da, 1981. urtetik. Kataluniako haserretuen mugimenduko bultzatzaileetako bat da, eta, aurten, Proces Constituent erabakitzeko eskubidearen aldeko mugimendua sortu du Teresa Forcades mojarekin. %99ren Errepublika Katalana eraiki dezagun leloarekin, lehen kanpaina abiatu du berriki mugimenduak.

Argi utzi dute, hasieratik, mugimendua ez dela alderdi politiko bat eta ez dela izango. Mugimendu politikosozialtzat du bere burua, eta Katalunia «sakon» aldatu nahi du, Oliveres eta Forcadesen kide Vicenç Navarrok adierazi duenez: «Espainiako Estatu hau ez da gure estatua, baina Katalunia hau ere ez dugu gustuko».

Xabier Oleaga kazetari eta Batera Baiko kideak gidatuko du Oliveresen elkarrizketa.

HITZALDIA

Noiz. Gaur, 19:00etan.

Non. Kaputxinoetako elizako hitzaldi aretoan, Errenterian.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna