Albistea entzun

Adan, ETAren estrategiaz

Emilio Lopez Adanek erakundearen historiaz idatzitako lanaren ondorioak azalduko ditu, gaur, Hendaian
Lopez Adan, ETAko kidea izan zen, 1960-1970ko hamarkadetan.
Lopez Adan, ETAko kidea izan zen, 1960-1970ko hamarkadetan. GAIZKA IROZ / LE JOURNAL

Erredakzioa -

2012ko urriak 6

Emilio Lopez Adanek (Gasteiz, 1946) historian ETAn jarraituriko estrategia aztertu du eta liburu batean karrikaratu du berriki, Maiatz argitaletxearekin. Lan horretako ondorioak azalduko ditu gaur, arratsaldean, Hendaiako Mediatekan, edonori irekitako ekitaldian.

ETAko kide izan zen Adan 1960 eta 1970ko hamarkadetan, eta jarrera independentziazalea adierazi zuen V. asanblean. Azken urteotan, hainbat lan argitaratu ditu, batez ere euskal abertzaletasunaren inguruan. Oraingoan, ETAren estrategia armatuaren historiaz liburua osatu du.

Adanen arabera, ETAren estrategia armatua soberan egon da 1980ko hamarkadaz geroztik. Independentzia, sozialismoa, Euskal Herri euskalduna eta batua lortzeko helburuak 1960ko hamarkadarako finkatuta zeudela dio. Erakundeak eginiko hautu estrategikoak aztertzen ditu egileak. Hautu horietan garrantzitsuenetako bat bonba-autoa erabiltzea dela uste du Adanek. Madrilekin negoziazio teknikoa egiteko aukera zaildu zenean hasi zen erakundea eraso-molde hori erabiltzen, eta, aldiberean, biktima zibilak eragingo zituela onartzen. Estrategia armatuak huts egin duela nabarmentzen du Adanek, baina azken urtean ezker abertzaleak gaitasuna erakutsi duela «ETAren porrota gainditzeko».

HITZALDIA

Noiz. Gaur, 18:00etan.

Non. Hendaiako (Lapurdi) Mediatekan.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.