Rock eta country erritmoan

Those Darlins taldeak kontzertua emango du Donostian; 'Screws Get Loose' izeneko bigarren diskoa aurkeztera datoz
Irudian, Nikki Darlin, Kelly Darlin, Jessi Darlin eta Linwood Regensbur; Those Darlins taldeko kideak.
Irudian, Nikki Darlin, Kelly Darlin, Jessi Darlin eta Linwood Regensbur; Those Darlins taldeko kideak. BERRIA

Ainhoa Arano -

2012ko apirilak 28

Tennesseeko (AEB) hiru emakumek country zaharrarekiko zuten grina zabaltzeko osatu zuten taldea 2006an. Rock&Roll musika estiloaren vintage espiritua berreskuratu dute, The Runaways taldearen 2.0 bertsioa bilakatuz. Bigarren diskoa aurkezteko biraren barruan, Donostiko Bukowski aretoan emango dute gaur kontzertua, 20:00etan. Urte gutxitan arrakasta handia lortu dute; Dan Auerbach —The Black Keys— eta halako musikariekin aritu dira, The Strange Boys taldearekin bira egin zuten eta jaialdietako ikus-entzuleak bereganatu dituzte. Dena, konplexurik gabeko zuzenekoari esker. Alaitasun eta lotsarik gabeko emanaldietan eta estudioko diskoetan bertute guztiak azaltzen dituzte. Taldearen bigarren lanak Screws Get Lose izena du; hilaren hasieran kaleratu zuten. Are helduagoak eta erneagoak agertu dira disko horretan; esperientziak hezita itzuli dira. Errepidea ez da leku egokia izaten bihotzez ahulak diren pertsonentzat; hala, inozotasuna bide bazterrean alboratu dute. Hitz ausartak eta ahots gogorrak dituzte orain. Ez da desagertu baina taldearen izaera zehazten duen filosofia: dibertsioa eta arinkeria. Antzinako rock doinuen jarraitzaileentzako kontzertua gaurkoa. Sarrerek zortzi euro balio dute.

THOSE DARLINS

Noiz. Gaur, 20:00etan.

Non. Bukowski aretoan, Donostian.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Covid-19 daukaten gaixoak zaintzen duten bi erizain besarkatzen 55 egun gaixo zeraman gizon bat sendatzean. ©Andoni Lubaki / Foku

Koronabirusaren azken datuak

Berria

Euskal Herrian 31.166 gaixok eman dute positibo guztira, koronabirusa atzemateko probaren bat eginda. Horietatik 2.150 hil dira. Grafikoak, albiste barruan.

Azken zenbaketan 33 positibo atzeman dituzte, 11 Bilbon

Azken zenbaketan 33 positibo atzeman dituzte, 11 Bilbon

Arantxa Iraola

Adierazi dute ez dagoela motiborik esateko Bizkaiko hiriburuan gaitzaren oldarraldi bat dagoenik, baina ikertzen ari dira

Bi langile Donostian desinfekzio lanak egiten. ©Jagoba Manterola, Foku

Donostiako Etxadi kiroldegia itxi egin dute, langile batek positibo eman baitu

Berria

Donostia Kirola Eusko Jaurlaritzako Osasun Sailarekin ari da hartu beharreko neurriak zehazten. 

Jedea Donostiako kaleetan maskarak jantzita ©Juan Carlos Ruiz / FOKU

Eudelek maskaren erabilera indartzeko eskatu du

Aloña Beraza Peña

Eudelek udalei eskatu die maskara erabiltzeko mezua indartzeko. Euskadiko Udalen Elkarteak jakinarazpen bat bidali die alkateei. Normaltasun berrian maskararen erabilera nahitaezkoa da leku itxietan, eta baita segurtasun distantzia mantentzen ez den egoeretan ere, baina gainerakoetan maskara erabiltzea aholkatzen da.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna