Albistea entzun

«Ez naiz itsutu»

Asteartean ekingo dio buruz burukoari Mikel Urrutikoetxeak, Jokin Altunaren aurka, Donostian. Binakakoan eskuetan izan zituen arazoak ahaztu ditu, eta sasoiko ekingo dio lehiari.
Mikel Urrutikoetxea, pentsakor, Binakako Txapelketan jokatutako partida batean.
Mikel Urrutikoetxea, pentsakor, Binakako Txapelketan jokatutako partida batean. JUAN CARLOS RUIZ / FOKU Tamaina handiagoan ikusi

Jon Eskudero -

2018ko apirilak 26

Buruz buruko txapelketak azkeneko hiru urteetan izan dituen txapeldunak asteburu honetan sartuko dira lehian, eta horietako bat izango da Mikel Urrutikoetxea (Zaratamo, Bizkaia, 1989). Iker Irribarriarekin batera, Urrutikoetxea jotzen dute faboritotzat, eta sasoiko dago aurtengo ibiliari hasiera emateko. Lesioak ahaztuta, konfiantza berreskuratu samar sentitzen da, eta, gainera, denbora alde izan du banakakoak eskatzen duen prestaketa fin egiteko. Nahi baino gehiago, akaso. «Luze samar egin zait itxaronaldia, baina ez naiz itsutu, eta presiorik gabe jokatuko dut txapelketa». Donostiako Atano III.ean jokatuko du final-laurdena Jokin Altunaren aurka, datorren asteartean, eta gutxienez partida bat irabaztea du helburu. «Lehen partidan nagusitzeak esan nahi du datorren urtean zerrendaburu izatea berriro, eta gaur-gaurkoz, hori da nire helburu nagusia».

Urrunago begiratu ez arren, horretarako arrazoiak behar lituzke izan Urrutikoetxeak. Ziurrenik, banakakoa izango da ondoen doakion modalitatea, eta, fisikoki daukan gaia aintzat hartuta, harri gogorra da edonor aurrean duela ere. «Fisikoki oso ondo nago. Aspaldi aldatu nuen prestaketa, eta esango nuke asmatzen ari garela. Hauspoa betetzen zaidanean ere azkar suspertu ohi naiz». Fisikoa baino garrantzitsuago bada beste gauza bat, ordea: burua. «Fisikoki ondo egoteak ez du ezertarako balio pilotariak berea ematen ez badu. Gaur egun, pilotari askok sekulako presioa egiten diote euren buruari, eta kalterako izan ohi da. Nik denbora asko izan dut banakakoa prestatzeko, baina ez naiz itsutu. Lagunarteko partidak jokatzen zentratu naiz».

Batez ere, azken hiru asteetan findu du entrenamendua. «Binakako Txapelketatik hain azkar kanporatzea kaltegarria izan zen. Uste dut lan ona egin nuela, baina, azkenerako, behera egin nuen. Eskuak mindu zitzaizkidan zeharo, partidaren bat ere utzi nuen, baina ahaztuta dago hori. Denbora izan dut nire onera etortzeko, eta aspaldian gozatzen ari naiz pilotan». Bide beretik segitu nahi du, itsutu gabe. «Banakakoa hastera doa niretzat, baina saiatuko naiz beste edozein partida bezala jokatzen. Urteekin ikasi dut alferrik dela norbere buruari presioa egitea eta egunak partida horren zain egotea. Tentsioa igarriko dut, banakakoa beti delako berezia, baina beste filosofia batekin ekingo diot. Olaizolarekin binakakoa jokatu nuenean, asko ikasi nuen, batez ere presioa kudeatzen».

Izan ere, Urrutikoetxearen esanetan, entrenamendu gogorrak egin eta ondo sentitu arren, egun txar bat aski da kalera joateko. «Egunak eta momentuak agintzen du, bestela ikusi besterik ez dago zer gertatu zaien Arteagari eta Artolari». Altuna III.aren kontra galduko balu, pena «galanta» izango luke, baina ez litzateke atzerapausoa izango. «Jokoa da hau, eta galduta ere ez litzaidake mundua behera eroriko».

Altuna, «arriskutsuena»

Aurkari oso arriskutsua egokitu zaio hasteko: Altuna III.a. «Guztiek esaten dute artista dela aurrean eta tantoa erraz bukatzen duela, baina ez ditu dohain horiek bakarrik. Kolpe freskoa du eskuinez, pilota frontisetik urrun jartzen du, eta oso pilotari osoa da, defentsa ere ona baitu. Oraindik ez du zeresanik eman buruz buru, baina ziur nago inoiz txapeletik gertu egongo dela». Are gehiago gaur egun banaka nola jokatzen den aintzat hartuta. «Kasik garrantzitsuagoa da atzera jotzea baino aurrean izkinak bilatzea. Horretan trebea da Altuna, eta saiatu beharko dut erasorako aukera gutxi ematen». Taktika etxetik pentsatuta eramango du. «Partidak berak erakutsiko digu nola jokatu, baina agintzea garrantzitsua izango da».

Bilbon, Bizkaia pilotalekuan jokatu duen aldietan, sarritan leporatu izan zaio etxean aritzearen abantaila zuela. Bada, Donostian jokatuko du, eta gipuzkoar baten aurka. «Ez dago arazorik. Irabazten duenak merezita irabaziko du, han edo hemen. Atano III.ean gutxitan jokatu dut, baina badakit frontoi bikaina dela. Ea harmailetan giro ona egoten den».

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Rebellin CCC taldearekin lehiatu zen 2013 eta 2016 urteak bitartean. / ©BERRIA

Davide Rebellin hil da, kamioi batek harrapatuta

Jon Ordoñez Garmendia

Txapeldunorde izan zen 2004ko Munduko Txapelketan. Donostiako Klasikoa irabazi zuen 1997an. Urrian utzi zion profesionalki lehiatzeari, 30 urteren ondoren. 51 urte zituen.

 ©OSKAR MATXIN EDESA / FOKU

«Indartsu baino gehiago, fresko eta bizi hastea izan zen garrantzitsua»

Jon Ander De la Hoz

Hodei Ezpeletak bigarren aldiz irabazi du Euskadiko Herri Kirol Federazioak antolatutako Lehen Mailako Txapelketa. «Puntako aizkolarien falta» izan du hizpide: «Ez dut uste onena naizenik».
Tarmim Bin Hamad al-Thani Qatarko emirrak eta Tayyip Erdogan Turkiako presidenteak urrian egindako bilera. ©EFE

Malabarismo geopolitikoak

Kristina Berasain Tristan

Washingtonekin aliantza bat izateak Qatarri ez dio eragotzi haren etsai historikoekin ere harremanak izatea. Qatarrek bere ahalmen ekonomiko handian oinarritzen du eragin geopolitikoa.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.