Albistea entzun

Beste 21 urtez izango dute zabalik Hazparneko hondakindegia

Azaroan hartu zuen erabakia Bil ta Garbi sindikatuak, baina ingurumen elkarteekin bilduko da zabortegiaren iraupena kontsultatzeko
CADE eta Hazketa 2010 taldeak, atzo, Baionan egin agerraldian.
CADE eta Hazketa 2010 taldeak, atzo, Baionan egin agerraldian. SYLVAIN SENCRISTO

Itxaso Cuevas -

2014ko abenduak 4 - Baiona

2015eko maiatzean zen ixtekoa Hazparneko Hazketa hondakindegia (Lapurdi), baina beste 21 urtez segituko du baliatzen Bil ta Garbi sindikatuak. Erakunde horretako kide diren herri elkargoetako ordezkariak azaroaren 26an bildu ziren, eta Hazketaren iraupena luzatzearen alde bozkatu zuten denek, batek izan ezik: Jean Mixel Hargous Garbiki sindikatuko ordezkariak. Datorren astelehenean, berriz, ingurumenaz arduratzen diren elkarteekin bilduko da Bil ta Garbi, hartutako erabakia kontsultatzeko. CADE eta Hazketa 2010 elkarteek, baina, prozedurak logikarik ez duela salatu zuten atzo: «Hautetsiek bozkatu aitzin, elkarteekin bildu behar ziren».

Ez dira pozik bi elkarteak, ez hondakindegiaren iraupenaz erabakitzeko prozedurarekin, ez erabakiarekin ere. Izan ere, diotenez, gaur egun Hazketa hondakindegia den guneak «ez du ematen aukerarik ura behar den bezala tratatzeko».

2015eko maiatzean itxi

Hogei urteko iraupena du, berez, Hazketa hondakindegiak: ireki zenean, 2015eko maiatzean itxiko zela erran zuten. Epea hurbiltzen ari zela ikusirik eta hondakindegia mugitzeko asmorik ez zegoela oharturik, Hazketa 2010 kezkatzen hasi zen. «Bil ta Garbi 2014ko urtarrilean hasi zen hondakindegiaren geroa aztertzen, baina 2005-2006an hasi behar zen», azaldu du Clemence Labrouche elkarteko kideak.

Bil ta Garbik hiru aukera proposatu zituen 2014an: hondakindegia lekuz aldatzea, iraupena luzatzea ala Hazketak biltzen dituen hondakinak Senpereko Zaluaga hondakindegira bidaltzea. Bizi Garbia sindikatuak kudeatzen du Zaluaga. Hazketako hondakinak hara bidali ahal izateko, bi sindikatuek bat egin beharko lukete, biak herri elkargo desberdinetan baitaude. Baina horrek arazoak ekarriko lituzke: bi hondakindegiek zabor mota desberdinak jasotzen dituzte, tratamendu desberdinekin. Hartara, hondakindegia gune berean gelditzea erabaki zuten.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Belateko tunela (Nafarroa), artxiboko irudi batean. ©Jagoba Manterola / Foku

Belateko tunel berriaren lanak lizitatu ditu Nafarroako Gobernuak

Paulo Ostolaza

95 milioi euroko kostua izango dute lanek. Txibiteren arabera, «lekurik arazotsuenetako baten konponbidearen hasiera» da.

Gasteizko Askabide Klinika ©Jaizki Fontaneda/ FOKU

Askabide klinikak eskatu du abortuaren kontrako protestak ez daitezela guneetatik hurbil egin

Isabel Jaurena

40 Días por la Vida abortuaren aurkako elkarteak iragarri du protestak eginen dituztela otsailaren 22tik aurrera.

Frankismoaren biktimei omenaldia Bilboko hilerrian, artxiboko irudian ©Aritz Loiola/ Foku

EP-IUk eta Jaurlaritzak akordioa lortu dute memoria demokratikoaren legearen inguruan

Edurne Begiristain

Biktimen errolda bat sortuko da, erreparazio «osoa» bermatuko zaie biktimei, eta memoriaren aurkako sinboloak kentzeko plan bat onduko du Gogora-k, besteak beste.

Gasteizko Etxebizitza Sindikatuaren agerraldia, gaur. ©Gasteizko Etxebizitza Sindikatua

Gasteizko familia baten etxegabetzea gerarazteko exijitu dute

Julen Otaegi Leonet

Agerraldia egin du Gasteizko Etxebizitza Sindikatuak, «segurtasun osoz» berehalako etxegabetze agindua jasoko duen familia baten egoera salatzeko. «Beti bezala, administrazioak ez du aukerarik eskaini», gehitu du.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...