Itsasoaren iragarpena oso ona da iganderako

Kontxako Banderan eguraldia dela eta iraultzaren bat espero dutenek datorren urtera arte egon beharko dute esperoan. Izan ere, igande honetako itsasoaren iragarpena oso ona da. Aurreko igandean ona izan zen, eta aste honetarako hobea dago iragarria oraindik. Haizerik apenas, eta 11:00etan hego-ekialdekoa. Gero, 14:00etan dago iragarrita bosteko indarreko haizea, eta ipar-ekialdekoa. Olatuei dagokienez, metro erdikoak daude emanda. Hortaz, eguraldi ona eta itsaso barea.