Matematikaren arloan diharduten bi irakasleri honoris causa doktore izendapena ematea erabaki zuen atzo EHUko Gobernu Kontseiluak. Euskal herritarra da horietako bat: Maria Jesus Esteban Galarza (Alonsotegi, Bizkaia, 1956). EHUn lizentziatu zen Matematikan, eta arloa euskaraz sakon aztertu duen lehen zientzialarietako bat da. Parisen egin zuen doktore tesia, eta 1981etik irakaslea da Frantziako CNRS Centre National de la Recherche Scientifique erakundean. Hainbat liburu egin ditu, eta Europako Matematikaren Elkarteko Matematika Aplikatuaren Batzordeko buru izan da.
Carlos Eduardo Kenig da honoris causa doktore izendatutako beste aditua. Buenos Airesen jaio zen, 1953an. Chicagoko Unibertsitateko irakaslea da.
Maria Jesus Esteban Galarza 'honoris causa' izendatua
Iruzkinak
Ez dago iruzkinik
Ordenatu
