Intifadaz geroztiko sarekada handiena Jerusalemen

Zisjordanian ez ezik, Jerusalem Ekialdean ere handitu dute errepresioa Israelgo indar armatuek. Bertako erakundeen arabera, uztail hasieratik 700 palestinar baino gehiago atxilotu dituzte, eta sarritan setiatu dituzte Issawija eta Silwan auzoak. Zisjordanian beste 800 eta 1.000 lagun artean hartu dituzte preso. Gehienak aske utzi dituzte, baina 70 inguru Poliziaren esku daude oraindik.