Albistea entzun
Emakumeen aurkako indarkeriari ez
Emakumeen aurkako indarkeriari ez

Kamerungo futbol selekzioa

Lehoia kaiolatik atera dute

Kamerunek bosgarren aldiz irabazi du Afrika Kopa, aurreko garaipena lortu eta hamabost urtera. Ez zegoen faboritoen artean, ustez onenak diren zenbait jokalarik uko egin ziotelako selekzioan jokatzeari lehiaketa hasi baino lehen.
SAMUEL SHIVAMBU / EFE Tamaina handiagoan ikusi

Aitor Manterola -

2017ko otsailak 7

Sekulako astindua eragin zuen Kamerunek futbolean 1990eko Italiako Munduko Kopan. Final-laurdenetarako sailkatu zen Roger Milla aurrelari beteranoa buru zuen selekzioa. Ezuste handia eman zuen. Historian gordeta dago txapelketa hartan Afrikako selekzioak egindakoa. 27 urte geroago, beste balentria bat egin dute lehoi menderakaitzek: Afrika Kopa irabazi zuten herenegun, Egiptori 2-1 irabazita. Horrek ez du aurreko mendekoaren danbatekoa eragin futbolean, baina ezustetik asko izan du oraingoak ere.

Ez zegoen faboritoen artean Hugo Bross flandriar entrenatzailearen selekzioa. Aspaldian baitzebilen bezatuta lehoien taldea. Afrikako lehiaketa nagusian, esate baterako, hamabost urte ziren txapeldun azkeneko aldiz izan zela. Finalera duela bederatzi urte heldu zen azkeneko aldiz. Baina, zenbaki horien gainetik, honako honek baztertu zituen Gabongo txapelketako talde indartsuenen multzotik: egun batzuk lehenago, zenbait jokalarik uko egin zioten selekzioan aritzeari. Europan ari dira jokalari horiek, eta, haiek gabe, taldea asko ahulduta azalduko zen. Ustez...

Hasi zen txapelketa, eta, zarata handirik atera gabe, txapeldun izan da azkenean. Jokalarien ezezkoak indartu egin du taldea, horretan ez da batere dudarik. Gertatzen dira horrelakoak, eta oinarri sendo horri heldu dio Brossen selekzioak aurkari guztiak gainditzeko.

Sei partida jokatu ditu txapelketan, eta ez du alerik galdu. Irabazi, erdiak irabazi ditu, eta beste hiruretan berdindu egin du. A multzoan zegoen Kamerun, eta partida bakarra irabazita igaro zen final-laurdenetara: Ginea Bissau menderatu zuen (2-1). Burkina Fasorekin eta Gabonekin berdindu egin zuen —1-1 eta 0-0, hurrenez hurren—. Burkina Fasoren atzetik sailkatu zen final-laurdenetarako, eta hor askatu behar izan zuen korapilo zailenetakoa. Senegalek estu hartu zuen, eta, hutsean berdindu ondoren, penalti jaurtiketetan menderatu zuen Kamerunek. Fabrice Ondoa atezainak geratu zion bosgarren jaurtiketa Sadio Maneri, eta, gero, Vincent Abubakar aurrelariak sartu zuen gol erabakigarria.

Finalerdietan, zain zeukan azkenaldian bera baino indartsuago dabilen selekzioa: Ghana. Baina faborito izaerarena izenean utziz, aise gailendu zen Kamerun (2-0), Ngadeu eta Bassogogen golekin. Finalean zen berriz ere, bederatzi urteren ondoren, eta Afrika Kopa gehien irabazia duen selekzioa izango zuen parez pare: Egipto. Orain, Kamerun jarri da egiptoarren atzetik palmaresean, igandeko garaipena bosgarrena baitu; bira dauka igandeko galtzailea.

Emaitza irauli behar izan zuten Brossen jokalariek, eta N'Kulu eta Abubakar izan ziren golegileak. 89. minutuan sartu zuen garaipenaren gola Kamerunek, eta garaipenaren gozoa dastatu ahal izan zuen urte mordoa igaro eta gero.

Txapelketa guztian, taldeak hartu dio gaina bakarkako jardunari, jokalari batzuen jarduna nabarmendu bada ere, egoera jakinetan erabakigarriak izan direlako. Eta talde izaera hori da, hain zuzen, oso ohikoa ez dena Afrikako taldeetan. Sekula ez da jakingo zer egingo zuen uko egin zuten jokalariekin, baina ez harritu hain talde izaera ona ez ematea.

Txapelketako jokalari onena Christian Bassogog izendatu dute, Danimarkako Aalborgen ari den aurrelaria. Ondo azaltzen du nolakoa den Kamerun berri hau: gaztea. 21 urte besterik ez dauka Bassogogoek. Hamaikako onenean daude Ondoa atezaina eta Michael Ngadeu atzelaria ere. Taldearen indarra nabarmentzen du horrek.

Munduko Kopara heldu nahi

Garaipenaren gozoan dago orain Kamerungo futbola, eta indarra emango dio hurrengo erronka handiari behar bezala heltzeko. Hasita dauka datorren urteko Munduko Koparako sailkatzeko fasea, eta, bi partida jokatu ondoren, bi puntu baino ez ditu. Nigeriak sei dauzka bere multzoan, eta lehen lekuan doa. Beste aurkariak Aljeria eta Zambia dira. Multzoko lehena bakarrik sailkatuko da Errusiako txapelketarako.

Ikusteko dago zer gertatuko den orain selekzioari uko egin zioten jokalariekin —sailkatze faseko lehen bi partidetan jokatu zuten—. Herrialdeko agintariek izango dute azkeneko hitza. Gauza bat, behintzat, garbi dago: Afrika Kopa irabazi duen talde gazte hau fidagarria da. Urte luzez kaiolatik ateratzen asmatu ez duen selekzioa libre bilakatu dute, menderakaitz.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Asteazkenean egindako finalaren aurkezpena. ©EUSKADIKO HERRI KIROL FEDERAZIOA

Gazteenak dira hautagairik behinenak

Jon Ander De la Hoz

Federazioaren aizkolari txapelketako finala jokatuko dute bihar, Bilbon. Iazko bost finalista berriz ariko dira; Basozabal da berria

Cody Gakpo aurrelari herbeheretarra, Hernan Galindez atezain ekuadortarra gainditu nahian, atzo, Dohako Khalifa jokatutako partidan. ©RUNGROJ YONGRIT / EFE

Erdibidean geratu dira

Julen Etxeberria

Herbehereek, Ekuadorrek eta Ingalaterrak lehenbiziko aukera galdu dute final-zortzirenak jokatzeko. Senegalek Qatarri irabazi dio, eta lehiatik at utzi du
 ©ALBERTO ESTEVEZ / EFE

Munduko Kopan lortu du oihartzuna

ZuriƱe Iglesias Sarasola

Herve Renard Saudi Arabiako hautatzaileak ospea irabazi du Munduko Kopan Argentinaren aurka irabazi ostean. Tituluak, ordea, Afrikako selekzioak zuzenduz lortu zituen aurretik.
Txirrindulariak, basamortuan barrena, 2010ean Qatarren jokatu zen emakumezkoen Itzulian. ©IAN LANGSDON / EFE

Tori dirua, eta itxi begiak

Julen Etxeberria

Hainbat herrialdek urteak daramatzate kirolaren bidez euren burua nazioartean zuritu nahian. Ekialde Hurbilekoak dira nagusi, eta, horien artean, Qatar.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...