Prekaritatea jomugan jarri dute sindikatuek aurtengo Maiatzaren Lehenean

ELAk Bilbon eta Iruñean egingo ditu manifestazio handiak, eta LAB eskualdez eskualde ariko da. CCOO eta UGT batera aterako dira
Maiatzaren Leheneko ELAren manifestazioa, iaz, Bilbon.
Maiatzaren Leheneko ELAren manifestazioa, iaz, Bilbon. MARISOL RAMIREZ / FOKU Tamaina handiagoan ikusi

Xabier Martin -

2018ko maiatzak 1

Mugimendu feministak eta pentsiodunek «kalera eraman duten erreibindikazio oldea indartzeko» aukera egokitzat jo dute sindikatu abertzaleek aurtengo Maiatzaren Lehena. Lan esparruko erreibindikazioek alboan izango dituzte «eraldaketa sozialarekin» lotura duten eskaerak. Euskal hiriburuek, eta hainbat eta hainbat hirik eta herrik sindikatuek deitutako manifestazioak eta elkarretaratzeak hartuko dituzte, gaur; lan hobekuntzak erreibindikatzearekin bat, «eredu sozial berri bat» bultzatu nahi dute ELAk eta LABek. Pentsioak, gizonen eta emakumeen arteko soldata arrakala, lan baldintzen prekaritatea... Maiatzaren Lehenaren musikari ez zaio faltako hitzik. Sindikatu abertzaleak bakoitza bere aldetik manifestatuko dira. CCOOk eta UGTk, berriz, deialdi bateratuak egin dituzte.

ELA

Pobreziari gerra; sobera inor ez lelopean egingo ditu manifestazioak ELA sindikatuak, Bilbon (11:45) eta Iruñean (12:00). Adolfo Muñoz idazkari nagusia Bilbon izango da, Jesusen Bihotza plazatik abiatzeko Plaza Biribilaren aldera. ELAk gogoratu du asteon euskal erakundeek diotela krisia gainditu dela, «baina gure gizartean pobrezia, prekaritatea eta desberdintasun sozialak areagotzen ari direla». Sindikatuak dio aberastasunaren banaketa «gero eta bidegabeagoa» dela, eta enplegua izatea ez dela jada «bizitza duin bat izateko bermea». Langile pobreak gero eta gehiago dira, Muñoz gidari duen sindikatuaren arabera. Aurtengo Maiatzaren Lehena «aukera bikaina» da ELAren ustez, feminismoak eta pentsiodunek ekarritako «erreibindikazio oldea indartzeko». «Parean daukagun erronka ez da nolanahikoa», dio sindikatuak, eta abisua eman du: «ELAk erabaki du borrokatu egingo dituela pobrezia eta beldurra».

LAB

LAB eskualde guztietan mobilizatuko da Hegoaldean, eta Baionan zein Maulen, Iparraldean (CDFT eta UNSArekin batera). Lan, bizi, herri duina leloarekin egingo ditu manifestazioak sindikatu abertzaleak, eta bi erronka izango ditu ardatz: «Eraldaketa sozialerako grina gauzatzeko mobilizazio soziala indartzea, eta aldaketa sozialerako gogo hori burujabetza prozesuarekin lotzea». Garbiñe Aranburu idazkari nagusia Bilboko martxan egongo da (Zabalburu, 12:00etan); haren hitzetan, «eredu berri bat eta aldaketa soziala aldarrikatzen duen mobilizazio soziala bizi-bizirik dago». «Emakumeak kalera atera gara», esan du idazkari nagusiak asteon; «pentsiodunak kalean dira, eta asko dira lantokiz lantoki borrokan dabiltzan langileak». Aranburuk dio LABek lan munduan eragitea duela helburu, «borroka eta grebak sustatuz». «Baditugu proposamenak eta badugu zer borrokatu»: 1.200 euroko gutxieneko soldata, 35 orduko lan astea, soldata arrakala amaitzea, pribatizazioa eta azpikontratazioari aurre egitea, 1.080 euroko gutxieneko pentsioa...

CCOO-UGT

CCOO eta UGT elkarrekin aterako dira Irabazteko garaia da lelopean. Hegoaldeko hiriburu guztietan deitu dituzte martxak, «enplegu eta soldata hobeen alde, eta pentsio duinen alde». Loli Garcia eta Raul Arza, Euskadiko CCOO eta UGTko idazkari nagusiak, Bilbon izango dira. Iruñean, 12:00etan aterako da martxa, Zaragoza etorbidetik.

BESTEAK

ESK eta Steilas beste hainbat sindikaturekin manifestatuko dira Hego Euskal Herriko hiriburu guztietan. Han izango dira CNT eta CGT, esaterako.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Nekane Murga, atzo, Eusko Jaurlaritzaren Bilboko egoitzan. ©Miguel Toña / Efe

Eusko Jaurlaritzak osasun larrialdia ezartzeko asmoa du

Andoni Imaz

Urkullu jarduneko lehendakaria litzateke batzorde bereziaren burua berriro ere, eta aukera izango luke jendea bakartzeko eta joan-etorriak mugatzeko. Murgak eta Tapiak agerraldi bat egingo dute bihar, hartuko dituzten neurriak esplikatzeko.

Salvador Illa Espainiako Osasun ministroa gaurko agerraldian. ©Chema Moya/EFE

Diskotekak eta gaueko tabernak ixteko agindu du Madrilek

Berria

Neurriak zorroztuko dituzte Hego Euskal Herrian, egoera epidemiologikoak okerrera egin duela eta. Gainerako taberna edo jatetxeek 01:00ean itxi beharko dute, eta gauerditik aurrera ezingo da bezero gehiagorik sartu. Kalean erretzea ere debekatuta egongo da, bi metroko tartea bermatu ezin bada.

Jendea paseoan Donostiako alde zaharreko kaleetan, atzo. ©Juan Carlos Ruiz/FOKU

618 kasu atzeman dituzte Hego Euskal Herrian

Berria

Bizkaian behera egin dute kasuek; Araban, Gipuzkoan eta Nafarroan, aldiz, igo egin dira.

Osasun langileak PCR probak egiten Donostian, aurreko astean. ©Gorka Rubio/FOKU

Azpeitiko Erdikalean ibili zirenei proba egiteko eskatu die Jaurlaritzak

Berria

Abuztuaren 7tik 9ra bitartean kale horretan ibilitakoek egin beharko dute testa.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna