Noiz sortua: 2020-02-11 00:30:00

Jose Luis Arastik iragarri du Nafarroak 200 guardia zibil gehiago izango dituela

EH Bilduk oroitarazi du lurraldeak «polizia ratio handienetako bat» duela. Geroa Baik «oso kezkagarritzat» jo du UPN Voxen atzetik joatea
Nafarroak trafiko eskumena izatearen aurkako larunbateko protesta.
Nafarroak trafiko eskumena izatearen aurkako larunbateko protesta. V. LOPEZ/ EFE Tamaina handiagoan ikusi

Joxerra Senar -

2020ko otsailak 11
Espainiako Gobernuak Nafarroako ordezkari izateko izendatu du berriz Jose Luis Arasti. Trafiko eskumenen auzia oraindik bideratzeko dagoela, larunbatean hiru polizia elkartek protesta egin zuten Foruzaingoak errepideko zaintza lanak hartzeko erabakiaren aurka; mobilizazioan bat egin zuten Vox eta Navarra Sumako agintariek, baita UPNkoek ere. Atzo, Arastik iragarri zuen Guardia Zibilak ez dituela kide gutxiago izango, alderantziz baizik. Haren esanetan, hil amaieratik beste 200 guardia zibil izango dira Nafarroan, hiri segurtasun arloan.

Auzia ez da berria. 2018ko urriaren 31n, Pedro Sanchezek konpromisoa hartu zuen trafiko eskumenak Nafarroari itzultzeko. Sanchezek apirileko bozetara deitu aurretik, bi gobernuek lehen harremanak izan zituzten prozesua aztertzeko, baina hauteskundeek dena geldiarazi zuten. Sanchezen inbestidurari begira abenduan PSOEk eta EAJk itundu zuten, berriz, Madrilgo eta Iruñeko gobernuek sei hilabetean zehaztuko zituztela prozesuaren nondik norakoak.

UPN, Voxekin batera

Akordio horrek, baina, eskuinaren muturreko erreakzioa eragin du. Larunbateko mobilizazioan, PPk, Ciudadanosek edo Vox-ek lehian jardun zuten, nork hitz gogorragoak erabiliko. Funtsean, Nafarroak eskumena bere gain hartzea kritikatu zuten: uste dute EAJren baiezkoari eta EH Bilduren abstentzioari Sanchezek jarritako prezioa dela, «amore emate bat». UPNko Carlos Garcia Adanero manifestazioan izan zen, eta hark esan zuen bateragarri dela Nafarroak eskumena hartzea eta guardia zibilak zeregin horretan aritzea. 1990eko hamarkadan, Foruzaingoak eskumena bere gain hartzea eta guardia zibilek Nafarroa uztea defenditzen zuen.

Testuinguru horretan, prentsaurrekoa eman zuen Jose Luis Arasti Espainiako Gobernuaren ordezkariak. Zehaztu zuen prozesua «garden eta txukun» egingo dela, eta «harrituta» agertu zen alderdiok mobilizazio horretan parte dutelako. «Ekitaldi politikoa eta politizatua izan zen, Nafarroako autogobernuaren eta nazioaren gobernuaren aurkakoa».

Haren hitzetan, bost hilabete dituzte aurretik bi gobernuek transferentzia nola egingo den zehazteko. Negoziazioaz harago, aldaketak denbora beharko duela uste du:«Badakigu orain Foruzaingoak ez duela nahikoa kiderik eta baliabiderik eskumena bere gain hartzeko». Aukeren artean dago trafikoan egun dabiltzan guardia zibilak foruzain bihurtzea. Arastiren arabera, gaia gainetik aztertu dute, eta «oso gutxi» dira horretarako prest diren guardia zibilak. Arastiren arabera, gaur egun, Nafarroan «1.400 guardia zibil baino gehiago daude, ez dira 1.500era iristen» eta otsailean iritsiko diren berrehunekin 1.700 izango dira.

EH Bilduk neurri hori kritikatu du prentsa ohar batean. Koalizio abertzalearen arabera, ez du zentzurik 200 guardia zibil gehiago hartzeak, lehendik «polizia ratio handienetako bat» baitu Nafarroak. Iragarpen horrek «eskuinak eta eskuin muturrak deitutako elkarretaratzeari egindako erantzuna» dirudiela uste du. EH Bilduko ordezkari Adolfo Araizen ustez, «Nafarroa da lurralde bakarra zeinean segurtasun indar batzuek eta besteek eskumen berak baitituzte, eta eraginkortasun faltaren adibide argia da». Kolizioaren iritziz, Nafarroak «ahalik eta azkarrena» hartu beharko lituzke trafiko eta hiri segurtasun arloko eskumenak, «Foruzaingoa Nafarroako polizia erreferentea izan dadin».

Parlamentuko atzoko mahai eta eledunen batzordearen ondoren, Geroa Baiko Uxue Barkos «kezkatuta» azaldu zen autogobernuaren defentsan lidergoa galdu duelako UPNk. «Larria deritzot polizia elkarte batek transferentzia baten aurka manifestazioa egiteari. Nahasmen horretan Vox egotea ez zait harrigarri egiten; kezkagarria da oso UPN haien atzetik arrastaka ikustea».

Albiste gehiago

Martxoaren 31n eguneratua, 14:00etan. ©BERRIA

Koronabirusaren azken datuak

Berria

Euskal Herrian 8.647 gaixok eman dute positibo koronabirusaren proba eginda, administrazioen arabera. 441 hil dira. COVID-19 gaitza izandako 1.775 pertsonari eman diete alta. Grafikoak, albiste barruan.

Pankarta bat, Biboko Zapikaleetan. ©Marisol Ramirez / Foku

500 hildakoen langa gainditu du izurriak Euskal Herrian

Berria

Dagoeneko 501 pertsona hil ditu gaitzak. Hego Euskal Herrian 9.335 kasu diagnostikatu dituzte. Sindikatuek gutun bat bidali diote Denis Itxaso Madrilek EAEn duen ordezkariari, besteak beste zentralizazioa bertan behera uzteko eskatzeko, eta Maddalen Iriartek mahai bat eratu nahi du erabakiak hartzeko

1983ko abuztuan, Busturian, uholdeetan. ©BERRIA

Zer egin krisi bati aurre egiteko?

Enekoitz Esnaola

Jaurlaritzako eta Nafarroako lehendakariek, euskal gatazkako indarkeriaz gain, zenbait garai sozial gogor ere bizi izan dituzte 40 urteotan: uholdeak, sute eta istripu larriak, krisi ekonomikoak... Carlos Garaikoetxeak, Jose Antonio Ardanzak, Patxi Lopezek eta Uxue Barkosek lehendakari gisara bizi izan zituzten krisietan izandako esperientziak kontatu dizkiote BERRIAri. Garrantzia eman diote gertutasuna eta sentsibilitatea izateari, baita neurriak hartzeari ere.

Aceros Olarra lantegia, Loiun, atzo. ©Marisol Ramirez / Foku

Tubos Reunidosek berriro zabalduko du

Iker Aranburu

Jaurlaritzak uste du industria osoak eutsi ahal diola jarduera txiki bati. Mondragonek dio «atzeraezinezko konpromisoak» bete ahal izango dituela, eta CAFen 37 boluntario ari dira bagoi batzuk entregatzeko.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun

Izan zaitez BERRIAlaguna