Albistea entzun

Zerga sistema «errotik aldatzeko» eskatu du Eskubide Sozialen Gutunak

Aberastasuna zergapetzea eta %35eko sozietateen zerga jartzea nahi dute, besteak beste. Azaroaren 28an manifestazioa egingo dute, Iruñean
Euskal Herriko Eskubide Sozialen Gutuneko kideak, atzo, Gipuzkoako Aldundiaren egoitzaren aurrean.
Euskal Herriko Eskubide Sozialen Gutuneko kideak, atzo, Gipuzkoako Aldundiaren egoitzaren aurrean. ANDONI CANELLADA / FOKU Tamaina handiagoan ikusi

Irune Lasa -

2020ko azaroak 21

Euskal Herriko Eskubide Sozialen Gutunak eskaerak erregistratu ditu, diru sarrera publikoak handitzeko, zergen ekitatea eta progresibitatea handitzeko, eta banaketa gaitasuna hobetzeko bere ustez beharrezkoak diren aldaketekin. Hala, ELA, LAB eta beste zenbait sindikatu eta gizarte talde biltzen dituen taldeak hainbat neurri proposatu ditu aberastasunaren jabetza eraginkortasunez zergapetzeko.

Ondarearen gaineko zergaren tarifa bikoiztea da horietako bat; baita zerga horretan hobariak kentzea ere, eta gutxienekoa 350.000 euroan ezartzea. Beharrezkotzat jo dute ondarearen gaineko zergaren eta errentaren zergaren baturaren mugak ezabatzea ere.

Testuingurua aintzat hartuta, berehalako neurri gisa, ondarearen gaineko zergan emendatze berezi bat ezartzea ere proposatu dute, zeina progresiboa litzatekeen, %1 eta %10 artekoa.

Eskubide Sozialen Gutunak beste emendatze berezi bat ere posible ikusten du sozietateen zergan, 2019. urteko irabazien %20koa. Horrez gain, sozietateen zergako kenkari eta pizgarri fiskal guztiak ezabatzea eta zerga tasa %35era igotzea ere proposatu du.

Pertsona fisikoen errentaren gaineko zerga progresibo baterako, berriz, kapitalaren tarifa espezifikoa kendu nahi dute; horrela, errenta iturri guztiek tratamendu bera jaso dezaten, eta progresibitate eskala berari lotuta egon daitezen. PFEZaren gehieneko tasa marjinala %60ra igotzeak eta tarifa tarteen kopurua handitzeak ere balioko luke, Gutunaren ustez, errenta zergaren progresibitatea handitzeko.

Balio erantsiaren gaineko zergari dagokionez, oinarrizko produktuei BEZa murrizteko eta luxuzkoei handitzeko eskatu dute.

Zerga sistemaren aldaketa da, hain zuzen, Gutunak Iruñean datorren azaroaren 28rako deitu duen manifestazio «erraldoian» egingo duen aldarrikapenetako bat. Sistema aldaketa bat eskatuko dute, «bizitza eta zaintzak benetan erdigunean jarriko dituena, pribatizazioen aldeko apustua egitetik zerbitzu publikoak indartzearen aldeko beharrezko apustua egitera pasatuko dena».

CCOOren eskaera

Nafarroako CCOOk ere zerga sisteman aldaketak egiteko beharra azaldu zuen atzo, Iruñean. Sindikatuaren aburuz, aldaketa bat behar da krisiak dakarren aberastasunaren pilaketa eta gehiengoen pobretzea eragozteko. Proposatutako aldaketen artean dago sozietateen zergaren gutxieneko tasa %15ean ezartzea, egiaz %10 inguruko tasa ordaintzen dutelako batez beste. Kapital errenten zergapetzea lan errenten parekoa izatea ere nahi dute.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Apirilak suspertu egin du lan merkatua Hego Euskal Herrian

Iker Aranburu

Martxoan baino ia 4.000 langabe gutxiago eta 6.000 langile gehiago zenbatu dituzte. Hala ere, krisia hasi aurretik baino 17.500 langabe gehiago zeuden apirilean
Josu Sanchez, Iñigo Urkullu eta Zenon Vazquez, atzo, Donostiako Kursaalean. ©GORKA RUBIO / FOKU

Enpresa zonbiak orokortzeko arriskurik ez dago oraingoz, Elkargiren ustez

Xabier Martin

Elkarrekiko berme sozietateak ia 950 milioi euroko finantzaketa eman zien enpresei iaz. 9.000 enpresari eta 150.000 enpleguri eusteko laguntza da, «inoizko handiena»
Margrethe Vestager Europako Batzordeko Lehia komisarioa, atzo Bruselan eginiko agerraldian. ©YVES HERMAN / EFE

Europatik kanpoko enpresen esku hartzea mugatuko du Bruselak

Jokin Sagarzazu

Laguntza publikoak jasotzen dituzten konpainiek eginiko inbertsioak debekatu ahal izango ditu, lehia desitxuratzen dutela uste badu
Idiazabal gazta berriaren aurkezpena

Iaz %3 egin zuen behera Idiazabalgo gaztaren salmentak

Arianne Vierbücher - Goierriko Hitza

Donostiako Aratz erretegiko Xabier Zabaletak moztu du Idiazabalgo gazta berria Jakitea elkarteko kideen izenean, Ordiziako (Gipuzkoa) Oiangu parkean egin duten ekitaldian. Azkeneko urtea «larria eta zalantzaz betea izan bada ere bide zuzena» hartu dutela nabarmendu du Zabaletak.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.