Albistea entzun

Lasok asmatu, besteek sufritu

Laso eta Imaz 22-14 gailendu dira Peña II.aren eta Mariezkurrena II.aren aurka, Bergaran
Unai Laso, pilotari jotzen, atzoko partidan. Hura izan zen neurketako jokalaririk onena.
Unai Laso, pilotari jotzen, atzoko partidan. Hura izan zen neurketako jokalaririk onena. JON URBE / FOKU Tamaina handiagoan ikusi

Beñat Mujika Telleria -

2022ko abenduak 9

Arratsalde beltza izan zuten atzokoa Jon Ander Peñak eta Jon Mariezkurrenak Binakako Txapelketan. Orain arteko bi partidak irabaziak zituztela iritsi ziren Bergarara (Gipuzkoa), eta faborito ziren, argi eta garbi. Kantxan, ordea, ez zuten asmatu; hamasei pilota galdu zituzten bien artean. Hasieratik hartu zuten errenta Unai Lasok eta Ander Imazek, eta 47 minutuan 22-14 gailendu ziren. Bi bikoteak berdinduta daude orain sailkapenean, bina garaipenekin.

Lehenengo postua sendotzeko helburuarekin irten ziren kantxara Peña II.a-Mariezkurrena II.a , baina hasiera-hasieratik ikusi zen ez zela haien eguna. Laso-Imazek ez zioten utzi Mariezkurrenari nagusitzen, eta asko mugiarazi zuten. Oso atzetik jokatzera behartu zuten, eta oso deseroso aritu zen.

Laso-Imazek 6-0 hasi zuten partida, baina aurkariek susperraldi txiki bat izan zuten. Sakea berreskuratuta, Mariezkurrena II.ak kantxan hobeto kokatzeko aukera izan zuen, eta, ohikoa duen joarekin, min egitea lortu zuen. Izan ere, Imazek ere ez zuen egunik onena izan. Bost pilota galdu zituen. 8-5 hurbildu ziren Peña IIa-Mariezkurrena II.a, baina eroso egon gabe jarraitu zuten.

Oso frontoi azkarra da Bergarakoa, eta defentsako lanean asko sufritu zuten lau pilotariek. Hala ere, Laso izan zen erasoan asmatu zuen bakarra. Hark jarri zion kolorea norgehiagokari. Sei tanto egin zituen Bizkarreta Gerendiaingo aurrelariak.

Peña II.ak pare bat aldiz asmatu zuen boleaz, eta 8-5etik 12-11ra igaro zen partida. Bazirudien Peña II.a-Mariezkurrena II.ak aurrea hartzea lortuko zutela eta, hasieran nekez aritu baziren ere, neurketa irauliko zutela. Baina azkar batean lau tanto egin zituzten jarraian Laso-Imazek, eta partida erabakita utzi zuten.

Gaur, Larraintzarren (Nafarroa), Elordi-Zabaletak Peio Etxeberria-Rezustaren aurka neurtuko dituzte indarrak (22:15, ETB1). Jokin Altunak, berriz, atzo jakinarazi zuen osatu zaiola eskua, eta bihar jokatu egingo duela. Tolosarekin batera, Ezkurdia-Martijaren aurka arituko da.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©IÑIGO URIZ / FOKU

«Oso garai politean bizi naiz orain; gozatzen ari naiz»

Julen Etxeberria

Hirugarrenez jarraian ordezkatuko du Mariezkurrena, eta hirugarrenez irabazi nahi du Peñarekin. Haren ustez, enpresari erakutsi dio «kontuan hartu» behar dutela.
Joseba Ezkurdia, pilota jotzen, azkeneko partidan. ©ARITZ LOIOLA / FOKU

Ezkurdia-Martija eta Jaka-Aranguren aukerarik gabe gera daitezke asteburuan

J. Etxeberria

Aspekoek hiru garaipenera dute kanporaketa, eta Baikokoek, laura. Nafarrek gaur jokatuko dute, Urrutikoetxea-Albisuren aurka, Zornotzan
Mathieu van der Poel eta Wout van Aert, lehian, Benidormen jokatutako Munduko Kopako proban. ©MORELL / EFE

Betiko biak, eta beste guztiak

Eñaut Agirrebengoa

Gaurtik igandera jokatuko da ziklo-kroseko Munduko Txapelketa, Hoogerheiden (Herbehereak). Gizonezkoen proban, Van der Poelen eta Van Aerten arteko beste borroka handi bat espero da. Iazko txapelduna, Pidcock, ez da lehiatuko.
 ©JAGOBA MANTEROLA / FOKU

«Gozatzen dudalako jokatu izan dut beti, ez markak ezartzeko»

Beñat Mujika Telleria

Maria Españak urte asko daramatza Espainiako ligarik onenetan aritzen, eta kirol heldutasun betean dago. Bikain ari da denboraldi honetan. Kantxan erakusten duen lidergo bera erakusten du handik kanpo ere.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.