Albistea entzun

Urpekariko marinela

Aitor Arregi getariarrak hiru denboralditan jokatu zuen Vila-realen, 1997tik 2000ra. Taldearen susperraldian partaide izan zen, eta orain denaren sustraiak jarri zituzten.
Aitor Arregi, Vila-realekin jokaturiko partida batean.
Aitor Arregi, Vila-realekin jokaturiko partida batean. VILA-REAL FUTBOL TALDEA

Aitor Manterola -

2016ko apirilak 3

Telefonoak jo zion 1997ko egun batean Aitor Arregiri (Getaria, Gipuzkoa, 1971). Vila-real (Herrialde Katalanak) zuen jatorria deiak. Bertako futbol taldeko ordezkari bat zen. Hara jokatzera joateko eskaini zion. Orduan, Eibarren ari zen ezker hegaleko atzelari ezkerra. Aurretik Alavesen ibilia zen. Beti etxean. «Eskaintza onartzekotan, aurreneko aldia izango nuen etxetik ateratzen nintzela, eta hor izan nituen zalantza batzuk. Baina baiezkoa eman nion azkenean», kontatu dio BERRIAri.

Hiru denboraldi egin zituen Vila-realen. Aurrenekoan, Bigarren Mailan zen taldea. «Orduan sartu zen klubean Fernando Roig, bere egitasmo berritzailearekin. Talde apala zen, eta handien parera eramatea zuen asmo. Bistan da lortu duela». Urpekari horiak eliterako lehendabiziko sarrera Arregiren aurreneko denboraldi hartan egin zuen, hain zuzen. Ez dauka ahazteko Lehen Mailarako igoera: «Zoragarria izan zen. Jose Antonio Irulegi genuen entrenatzaile, eta taldearen ezaugarri nagusia zen taldea izatea». Partida asko jokatu zituen Arregik denboraldi hartan, eta golen bat sartu ere bai: «Bakarra Albaceten izan zen. Ez daukat ahazteko, ez, nire ibilbide osoan oso gutxi sartu nituelako».

Igoera harekin lotuta, beste hau ere buruan ondo gordeta dauka: «Azkeneko partidan lortu genuen, eta nire ibilbide osoan, ia beti izan dut zerbait handia jokoan azkeneko partidetan. Igoera zela, jaitsiera zela, ezin lasai bukatu ». Lasaietik gutxi izan zuen Lehen Mailako aurreneko denboraldiak, 1998-1999 hartan, hasiera ona eman bazion ere Vila-realek: «Bartzelonari bere zelaian ere irabazi genion, 1-3, Van Gaalen taldeari. Figo zaindu nuen, eta hasieran errespetu handia sentitu banuen ere, behin partida hasita batere beldurrik ez».

Bigarren itzuli txarra egin zuen Vila-realek, eta maila galdu. Berriz ere Bigarren Mailan jokatu behar. Baina denboraldi batez bakarrik, 1999-2000n igo egin zelako berriz Arregiren taldea. Ez zirudien, baina, halakorik gertatuko zenik Liga hasieran: «Gaizki hasi ginen. Joaquin Caparros ekarri zuen klubak entrenatzaile bezala, eta denboraldi-aurrean sekulako lan fisikoa eginarazi zigun. Ez zuen asmatu, eta hasieran gaizki ibili ginen. Zazpigarren partidan edo, kaleratu egin zuten». Liga hasiera txar hartatik, badu partida bat ondo gogoan: «Eibarrek 1-5 irabazi zigun gure zelaian, Blas Ziarretaren Eibarrek». Bere talde ohiaren aurka jokatzea berezia izaten zela dio: «Taldekideak izan direnen aurka jokatzea ez da izan ez direnen aurka aritzea bezala».

Hamasei urte taldea utzi zuela, baina harremana ez du galdu zenbait kiderekin: «Roig presidentearekin egoten naiz batzuetan, eta Pascual Donat jokalari ohia ere laguna dut. Orain, lehen taldeko ordezkaria da». Harreman horiei eusteari sekulako balioa ematen dio: «Futbola emozioa da, zirrara, eta harreman pertsonalak. Ederra da horiek ez galtzea».

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©JAGOBA MANTEROLA / FOKU

«Gozatzen dudalako jokatu izan dut beti, ez markak ezartzeko»

Beñat Mujika Telleria

Maria Españak urte asko daramatza Espainiako ligarik onenetan aritzen, eta kirol heldutasun betean dago. Bikain ari da denboraldi honetan. Kantxan erakusten duen lidergo bera erakusten du handik kanpo ere.
Iñaki Williams baloiarekin, denboraldi honetan San Mamesen Atletico Madrilen aurka jokatutako partidan. ©ARITZ LOIOLA / FOKU

Hutsune handia utzi du Williamsek

Haritz Gallastegi

Iñaki Williamsek marka ezarri du ligan: 251 partida jokatu ditu. Zelaian ari denean kritikatu egiten dute; ez dagoenean, aldiz, sumatu egiten da haren falta.

Eibarrek eta Alavesek lehen itzulian Ipuruan jokatutako derbiaren jokaldi bat. ©JAIZKI FONTANEDA / FOKU

Biak gora begira daude

Iñigo Lasa Fresneda

Alavesek eta Eibarrek sasoi onean jokatuko dute derbia larunbatean, Mendizorrotzan; bi taldeak goiko postuetan daude. Txema Añibarrok argi du: «Intentsitate eta parekotasun handiko partida izango da».

Osasunaren jarraitzaileak Sevillaren aurkako Kopako partidan. ©Jesús Diges, Efe

Indar Gorriko sei kide atxilotu dituzte Iruñean, borrokaldi batean parte hartu izana egotzita

Berria

Espainiako Poliziak 64 lagun atxilotu ditu guztira, azaroaren 27an Burgos eta Zaragoza taldeen arteko partidaren aurretik Burgosko El Plantio zelaiaren inguruan izandako borrokaldian parte hartzea leporatuta. Tartean daude Indar Gorriko sei jarraitzaile horiek.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.