Bagdaden 35 lagun hil dituzte eraso suizida batean

Gutxienez 35 lagun hil zituzten atzo Bagdaden, bi erasotzaile suizidak eginiko atentatu batean. Barne Ministerioaren arabera, eraikuntza sektorean lan egiteko esperoan zegoen jendetzaren artean zartarazi zituzten gainean zeramatzaten lehergailuak, Tayaran plazan. Atentatu horren ondotik, iparralderago dagoen Jamil barrutian beste bi herritar hil zituzten bonba bat lehertuta. Atentatuak ez zituen inork bere gain hartu.