Albistea entzun

ATZEKOZ AURRERA. Christina Moore. 'Game of Thrones' telesaileko arte zuzendaritzako arduraduna

«Hizkuntza bisual bat edukitzea da gure lana»

Azken bost denboraldietako grabazioetan lan nagusietariko bat egin du Moorek. EHUn izan da hitzaldi batean, bere beharraren berri ematen.
LUIS JAUREGIALTZO / ARGAZKI PRESS

Alaitz Armendariz -

2017ko martxoak 17 - Bilbo

Arkitektoa da lanbidez Christina Moore, eta, guztira, Game of Thrones telesaileko 36 kapitulutan egin ditu arte zuzendaritza lanak. Gertu-gertutik jarraitu ditu telesail arrakastatsuko pertsonaia eta istorio guztiak, hortaz. Euskal Herrian ere izan da, uztailean estreinatuko den zazpigarren denboraldiko eszena batzuk hemen grabatzen. Hirugarren eta laugarren denboraldietan egindako lanarengatik bi Emmy sari irabazi ditu. Artista ingelesak hitzaldia eman zuen atzo EHUko Leioako campusean (Bizkaia), eta aretoan ez zen leku hutsik geratu.

Euskal Herrian zazpigarren denboraldiko hainbat eszena grabatu dituzue. Zerk erakarri zaituzte hona etortzeko?

Euskal Herrian asko gustatu zaiguna kosta izan da, eta, bereziki, Gaztelugatxeko eliza. Uste dut denok maitemindu ginela toki horrekin hasiera-hasieratik.

Game of Thrones sortzeko prozesuan ehunka pertsonak hartzen duzue parte. Zein da zure eginkizuna, zehazki?

Ni atzerriko filmaketaren arte zuzendaritzaren arduraduna naiz, beraz, Game of Thrones-en mundua sortzeko prozesuan parte hartzen dut, platoak eraikitzen ditut, eta filmatzeko tookiak moldatu. Telesail honetan atzerriko arte zuzendaritzako arduraduna naiz, beraz, hiru herrialdetako grabazioan parte hartu dut: Kroazia, Maroko eta Espainiakoan.

Sekulako ikusmira piztu du telesailak, eta jendetza dago kanpoan zure zain, esango duzuna entzuteko irrikan. Ohituta zaude jendea horrela ikustera?

Zur eta lur nago! Ni kameren atzean lan egiten duen pertsona bat naiz, ez dut halakorik bizi izan aurretik. Baina horrek erakusten du Espainian arrakasta handia izan duela. Gainera, ekoizleek Espainian berriz filmatu nahi izateko arrazoietako bat horixe izan da: jendeak gogo biziz hartzen du telesaila, eta hori asko nabaritzen dugu estren artean. Uste dut irrika hori oso ona dela.

Game of Thrones telesailean hainbat mundu agertzen dira. Nola egiten duzue guztiak argi eta garbi bereizteko?

Guztiek oso itxura desberdina eduki behar dutela, eta maiz herrialde desberdinetan filmatzen ditugu. Adibidez, esklaboen hiri batzuk Marokon, Kroazian eta Espainian filmatu ditugu, eta hiruren artean zerbait koherentea lortzen saiatzen gara. Kontua da ikusleak ez ohartzea Marokon eta Kroazian filmatu dugula, baizik eta Game of Thrones-eko mundu bat dela pentsatzea. Hori da gure lana; hizkuntza bisual bat edukitzea, mundu bakoitzarekin zerikusia duena. Hainbat gauzarekin lotuta egon daiteke: kolorearekin, arkitekturarekin, ematen zaion argiarekin... Eta jantziek ere garrantzi handia dute mundu bakoitzaren barnean, zalantzarik gabe.

Zaila da Game of Thrones garai batean kokatzea, goitik behera asmatutako garaia baita, noski. Non kokatuko zenuke telesaila, toki eta janzkerei begiratuta?

Ez da garai historiko zehatz bateko drama bat, eta horrek nolabait askatasuna ematen digu, diseinuak egiteko orduan, adibidez. Ezin dugu garai zehatz batean kokatu; Erdi Aroaz hitz egiten den arren, eta antzeko girotzeak egon arren, fantasia bat da; izan ere, ez zegoen dragoirik garai hartan, eta ez da beste inoiz ere egon.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Erroiz olio enpresako kideak, Oinatz Bengoetxea pilotari ohia erdian dutela, atzo. ©JAIZKI FONTANEDA / FOKU

Urre berdearen zukua dastagai

Unai Etxenausia

Lantziegoko Erroiz olio enpresak oliba olio birjina estra berria aurkeztu du. Aurten, Bengoetxea pilotari profesional ohia gonbidatu dute Sustraiak zuku izarra dastatzera.
Txantxangorri bati eta onddo bati sakelakoarekin egindako argazkiek Merlin eta Mushtool aplikazioetan egindako bidea. ©BERRIA

Natura poltsikoan

Enekoitz Telleria Sarriegi

Geroz eta gehiago dira natura behatzen eta ulertzen laguntzen duten sakelako aplikazioak. Behatu litezke mendiak, onddoak, hegaztiak, landareak, zeruak... eta bahetu litezke ondoren behaketak. Adituek diote erabilgarriak, errazak eta herritarrak zientziara hurbiltzeko lagungarriak direla, baina tentuz erabiltzekoak ere bai, ez dutelako beti bete-betean asmatzen.

Jose Ignacio Jauregi —eskuinetik hasita bigarrena—, lankideekin, Michelin izar berdea esku artean dutela. ©IÑIGO URIZ / FOKU

«Ongi elikatutako txerriek zapore hobea dute»

Amaia Jimenez Larrea

Lekunberriko Maskarada jatetxeak Michelin izar berde bat lortu du orain gutxi. Jatetxearen jasangarritasuna saritu dute, 'euskal txerri' izeneko arraza nola tratatzen duten aintzat hartuta.
 ©TAMARA ARRANZ

Ez ote da beranduegi autoeskolarako?

Mikel Yarza Artola

Borja Cobeagak 'No me gusta conducir' telesaila estreinatu du, gidabaimena 40 urterekin atera nahi duen gizon baten inguruko komedia

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.