Albistea entzun

Tubos Reunidosek zorra berriro negoziatu beharra dauka bankuekin

Urte hasieratik galerak ditu berriz Amurrioko taldeak, eta 212 milioi euroko zorra du. Burdingileak AEBetara egiten ditu salmenten %45
Productos Tubulareseko langileak, protestan, joan den martxoan.
Productos Tubulareseko langileak, protestan, joan den martxoan. LUIS TEJIDO / EFE Tamaina handiagoan ikusi

Irune Lasa -

2018ko irailak 8

Donald Trump AEBetako presidenteak atzerriko altzairuari muga zergak igotzeko hartutako erabakia larrutik ari da ordaintzen Tubos Reunidos. Hiru urteko galeren ostean, iazko urtea mozkinekin amaitzea erdietsi zuen Amurrioko taldeak. Gerrikoa estutu, eta produktibitatea %10 eta salmentak %60 handitu zituen, gutxieneko etekin bat lortzeko. Baina aurten, atzera, zenbaki gorrietara itzuli da taldea. Lehen hiruhilekoan, 8,6 milioi euro galdu zituen, nahiz eta salmentei eutsi.

Tubos Reunidosek salmenten %45 egiten ditu AEBetara, eta muga zergek pisu handia dute taldearen emaitzetan. Dolar-euro trukearen bilakaerak berak ere asko baldintzatu ditzake taldearen kontuak, bai salmenten aldetik, bai lehengaien erosketaren ikuspegitik.

Horiek horrela, Tubos Reunidosek negoziazioa abiatu du bankuekin, 212 milioi euroko zorraren zati handiena hartzen duen 207 milioi euroko mailegua pagatzeko baldintzak berritu nahian, atzo CNMV Balore Merkatuaren Espainiako Batzordeari bidalitako agirian azaldu duenez. Joan den urte hasieran lortu zuen bankuekin azken akordioa, eta 2022. urteraino luzatu zuen mailegua ordaintzeko epea.

Apirilean, Trapagarango Productos Tubulareseko 157 langile kaleratu nahi izan zituen Tubos Reunidosek, baina, sei asteko grebaren ondoren, erregulazio txostena atzera bota zuen. Oraindik argitzeko dago galera handiak dituen taldeak Traparango lantegiarekin zer egin nahi duen.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Tubacexeko langileek protesta, Bilbon, gaur eguerdian. ©Tubacex Borrokan

Tubacex Borrokan: «Mahai gainean kaleratzerik ez dagoen arte jarraituko dugu»

Paulo Ostolaza

Gaur bi hilabete hasi zuten greba, eta manifestazioa egin dute Bilbon. Azpimarratu dute indarratu dutela enpresak egiten dizkien «mehatxuzko barne adierazpenei» aurre egin eta borrokan jarraitzeko, eta Jaurlaritza «patronalaren bozeramailea» dela gaitzetsi dute.

Ibaizabalen ertz bietan Bizkaiaren iragan industrialarekin lotutako garabi ugari daude. Parez pare daude Navalenak eta Muruetarenak: geldirik lehenak eta lanean bigarrenak. ©ARITZ LOIOLA / FOKU

EGUNSENTI BERRI BAT EUSKAL ONTZIOLETAN

Jokin Sagarzazu

Naval behin betiko itxi duten arren, Euskal Herriko ontzigintza indartsu dago gaur egun, eta geratzen diren hiru ontziolek gainezka dute lan zorroa. Hala ere, sektorearen tamaina ez da duela 40 urte bezalakoa, eta beste era bateko lanak egiten dituzte.
Alemaniako Papenburgo hiriko Meyer ontzioletan egindako gurutzontzi turistiko bat. ©DAVID HECKER / EFE

Itsasoko Airbusaren porrota

Jokin Sagarzazu

Asiako erraldoiek kontrolatzen dute ontzigintzaren sektorea, eta Europan ez dute modurik aurkitzen horri aurre egiteko. Konpainia handien bat egiteek ere ez dute arrakastarik izan.

 ©SPRI

«Gure ontziolek beti egin dituzte ontziak armadorearen neurrira»

Xabier Martin

Pandemiaren krisian ere tinko irauten ari dira euskal ontziolak, Itsas Foroko buruak dioenez. Navalen adjudikazioarekin haserre dago Lopez de La Calle, eta horren zergatia esplikatu du.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna